Ruddingardagur 2026
Tann ljósa tíðin er komin, og plantulívið er so smátt byrjað at spíra. Runavíkar kommuna heitir aftur í ár, á allar borgarar um at taka lut í árligu ruddingini, og á tann hátt verða við til at fríðka um heimstaðin.
Kemur tú fram á garðaskøru, har sum tú ruddar, kanst taka hana upp og koyra hana í ruskposan, tí garðaskøran skal ikki í kompost.
Meira kunning um garðaskøruna er inni á heimasíðuni hjá kommununi undir umhvørvi, sí https://runavik.fo/innraesnar-plantur.
Heitt verður á grannaløg um at skipa seg í økinum, har tey búgva.
Soleiðis verður ruddað:
27. mai
Rituvík
Lýst verður við tiltakinum á facebook-bólkinum hjá bygdini. Ein heitur rættur verður bjóðaður ísv. við ruddingina.
28. mai
Oyndarfjørður
Lýst verður við tiltakinum á facebook-bólkinum hjá bygdini. Ein heitur rættur verður bjóðaður ísv. við ruddingina.
Lamba og Lambareiði
Tiltakið byrjar kl. 16.00 í skúlanum í Lamba. Enda verður við grýturætti kl. 18.30.
30. mai verður ruddað í hesum bygdum
Funningsfjørður – Byrjað verður kl. 9.00 við morgunmati í skúlanum.
Funningur – Byrjað verður kl. 9.00 við morgunmati í skúlanum.
Runavík, Saltangará og Glyvrar – Byrjað verður í Gulu smiðju kl. 10.00 við morgunmati.
Skála – Byrjað verður í Ítróttarhøllini á Skála kl. 9.00 við morgunmati.
Skálafjørður – Byrjað verður kl. 9.00 við morgunmati í gamla skúla.
Skipanes – Byrjað verður við Kaihúsið kl. 10.00, aftaná ruddingina verður bjóðað inn til ein heitan rætt í Elim kl. 13.00.
Søldarfjørður – Byrjað verður við spæliplássið í Søldarfirði kl. 10.00, aftaná ruddingina verður bjóðað inn til ein heitan rætt í Elim kl. 13.00.
Æðuvík – Byrjað verður kl. 10.00 við morgunmati í missiónshúsinum.
Handskar og posar eru at fáa.
Burturkast
Burturkastið skal koyrast í posar og setast framvið teimum størru vegunum.
Heitt verður á fólk um at skilja ruskið og leggja tað sum ikki brennur og oljudunkar við síðuna av ruskposanum.
Seinastu tíðindi
