Tiltøk

Grækarismessuhald verður hildið á hvørjum árið hin 12. mars. 

Tiltakið er á økinum við Skótahúsið við Løkin. Ein røða verður hildin og Nes Sóknar Musikkfelag spælir nøkur løg. Skótarnir ganga skrúðgongu og selja kaffi við onkrum góðum afturvið.

Tiltakið verður fyriskipað av KFUM Skótunum við Løkin og Visit Runavík.

Flaggdagshald verður hildið á hvørjum árið hin 25. apríl. 

Tiltakið er á økinum við Skótahúsið við Løkin. Ein flaggdagsrøða verður hildin og Nes Sóknar Musikkfelag spælir nøkur løg. Skótar og ítróttarfeløg ganga skrúðgongu. 

Tiltakið verður fyriskipað av Visit Runavík.

Falggdagshald verður eisini hildið við Bátafelagið á Skála - Kahyttina flaggdagin.

Bygdastevnan á Skála er á hvørjum árið. Fjórða hvørt ár er hon eisini Fjarðastevna, og tá er FM-róður á stevnuni. Bygdastevnan verður hildin í mai mánaða og Fjarðastevnan í juli.

Tað eru Skála Ítróttarfelag og Skála Róðrarfelag, sum í felag skipa fyri stevnunum. Nógv spennandi tiltøk eru á skránni á stevnuni.

Eystanstevnan verður hildin á hvørjum árið í Runavík. Annað hvørt ár er FM-róður á Eystanstevnuni í Runavík.

Nógv verður gjørt burturúr stevnuni, ein hópur av mentanartiltøkum at fara til.

Stevnan verður fyriskipað av hesum feløgum í kommununi: Tjaldur, Støkk, NSÍ, Kappróðrarfelagnum NSÍ og KFUM skótunum.

Eystanstevnan verður hildin mitt í juni mánaða.

Stóra familjutiltakið Laksatorgið var fyrstu ferð í 2001, og síðani hevur tiltakið ment seg til at vera eitt sera vælumtókt fólksligt tiltak.
Undirtøkan er vaksin á hvørjum ári og fleiri tiltøk eru afturvendandi, so sum smakkiroyndir av rávøru frá Bakkafrost og sølutorg við alskyns lutum. Í 2020 var Laksatorgið í hugnaliga umhvørvinum Niðri á Støð á Glyvrum. Økið er væl skipað, strondin er skamt harfrá, neyst liggja framvið umframt snotuligu húsini hjá Bátafelagnum á Bakka.

Nærri kunning um Laksatorgið fæst við at venda sær til Visit Runavík.

Mentanarvikan verður hildin síðstu viku í apríl mánaða.

Hópin av mentanartiltøkum eru á skránni hesa vikuna, bæði fyri børnum og vaksnum. Nevnast kunnu m.o. konsertir, sjónleikir, listaframsýningar og ítróttartiltøk.

Fólk, ið eru áhugaði í at luttaka við onkrum tiltaki, eru vælkomin at seta seg í samband við Visit Runavík á visit@runavik.fo