Gula smiðja

Ungdóms- og virkishús/mentanarpallur
Heiðavegur 46, Saltangará 600

Gula smiðja bjóðar skipað ungdómsvirksemi fyri ung úr 7.flokki, til og við 17 ára gomul og hýsir eisini regluliga almennum tiltøkum og livandi tónleiki. Smiðjan miðar ímóti at veita eitt fjølbroytt úrval av virksemi og tiltøkum; hon vendir sær serliga til tey ungu, men øll eru vælkomin til almennu tiltøkini. Gula smiðja er rúsfrí og virksemið er politiskt og átrúnaðarliga óheft.

Í løtuni er smiðjan opin fast 4 kvøld um vikuna. Tað eru altíð tvey starvsfólk til arbeiðis, sum saman við teimum ungu skipa ymiskt virksemi; okkurt er faslagt frammanundan, men tað er eisini rúm fyri at finna uppá. Til ber at tekna seg sum lim í Gulu smiðju, men tað er ikki krav at vera limur, fyri at ganga har. Nærri lýsing av virkseminum er at finna her og annars í dagligum uppsløgum á Facebookvanganum hjá Gulu smiðu - har verður eisini lýst við almennum tiltøkum fyri allar aldursbólkar.

Tóta Árnadóttir er leiðari í Gulu smiðju (byrjaði í januar 2024).
Gula smiðja hevur tlf.: 237085 og
Teldubústaðin gulasmidja@runavik.fo