Gleðilig jól

Stákanin seyrar spakuliga burtur, og jólahugnin legst yvir bygdarløgini. Kjarnin í kristnu undirstøðuni nærkast, 4. sunnudagur í adventini er farin framvið og í morgin er jóladagur. Føðingardagurin. Í gitna gamla adventsálminum ”Blomstre som en rosengård” tekur Grundtvig soleiðis til í týðingini hjá Lenvig: ”Har á Harrans halgu grund, so Jesaja spáddi. Tíðin rann, so kom tann stund, at Guðs dýrd oss náddi, tá Guðs sonur fór í hold, kveikti lív og ljós á fold, mót í stúrnar sálir.”

Fyri Runavíkar kommunu fari eg við hesum orðum at ynskja øllum tykkum – borgarum okkara – í 15 bygdum - eini gleðilig jól í vónini um frið á jørð og góðan tokka í menniskjum. Somuleiðis ynskja vit landsmonnum okkara – burturi og heima – eina signaða hátíð.

Við jólakvøðu

Tórbjørn Jacobsen, borgarstjóri.