Føroya Symfoniorkestur í Løkshøll

Sambært avtaluni kemur Føroya Symfoniorkestur at hava árliga konsert í Løkshøll. 

Tá Løkshøll varð bygd, varð atlit tikið til, at hon skuldi kunna hýsa symfoniorkestrinum. Runavíkar kommuna fegnast tí um, at Løkshøll við avtaluni regluliga gerst karmur um klassiskan tónleik á hægsta stigi. 

Og fyri Føroya Symfoniorksetur leggur avtalan lunnar undir arbeiðið at gera tónleikalívið fjølbroytt og dygdargott kring landið.

Fyrsta konsertin eftir avtaluni verður eftir ætlan fríggjakvøldið 18. februar 2022.