Kongshavnar Talvfelag

08. apríl 2021

Ársaðalfundur var hildin í Runavíkar Talvfelag fríggjakvøldið hin 26. mars kl. 19:00. Fundurin var hildin í gamla skúlanum á Glyvrum, sum nú er felagshús hjá talvfelagnum. Mainhard Danielsen var valdur fundarstjóri. Onki nýtt uppskot var til nevndarlimir, og nevndin ið hevur sitið, var áhugað í at halda fram. Nevndin er nú skipað soleiðis:

                                 Gunnleif Rasmussen, formaður.

                                 Jens á Líknargøtu, næstformaður.

                                 Mainhard Danielsen, ritari/peningarøkil.

                                 Brandur Højgaard, varalimur.

                                 Bessi Bjarnason, varalimur.

Grannskoðarin Helgi L. Petersen var afturvaldur.

Formaðurin greiddi frá farna ári og greiddi frá ætlanum felagsins í næsta talvári. Peningarøkilin legði roknskapin fyri 2020 fram, og var hann góðkendur.

Eitt uppskot var frá einum limi sent felagnum til aðalfundin, og tað snúði seg um at broyta navnið á felagnum. Uppskotið var, at felagið frameftir skal eita Kongshavnar Talvfelag (KHT). Ein trivaligur meiriluti av fundarfólkinum tók undir við uppskotinum, harvið eitur felagið nú Kongshavnar Talvfelag - við heimstaði á Glyvravegi 12 á Glyvrum.

Serliga síðan talvfelagið er farið at húsast í gamla skúlanum, er áhugin fyri ítróttini vaksin munandi, og felagið hevur góðar vónir um framtíðina.

Seinastu tíðindi

16. apríl 2021
Jenny Petersen sett sum leiðari á Barna­verndar­tænastuni við Skálafjørðin
14. apríl 2021
Føroya mál á manna tungu
14. apríl 2021
Vega- og gøtunøvn
14. apríl 2021
Kunngerð um broyting av Býarplani­num á Skála og í Lamba