MÍN KÆRA

MÍN KÆRA er ein eym og visuelt sterk søga um viðkvæman kærleika og longsil. Í einari lítlari strandarbygd finna tey bæði Asle og Gerd hvønn annan og fáa ein son saman. Men eydnan varir ikki við; Asle er sjómaður og burturhugaður, og Gerd er einsamøll eftir við soninum alt meðan frástøðan teirra millum støðugt veksur. Við tøgn, andlitsbráum og landsløgum lýsir filmurin við stórari nærveru tríggjar menniskjalagnur og setur spurningin: hvussu langa frástøðu megnar kærleikin at bera, áðrenn hann gleppur úr hondum?

Tað er norski Nobelvirðislønti rithøvundurin Jon Fosse, ið hevur skrivað leikritið til filmin, og Erik Poppe hevur leikstjórnað. Høvuðsleiklutin sum Asle hevur Leo Magnus de la Nuez, og Kristi-Helene Engeberg sum Gerd.

Filmurin varir 1 t og  54 min.

Kostnaður kr 90 (+8 kr avgjald)