Summartónar í Runavíkar kommunu
Tónleikafestivalin 'Summartónar hevur verið fyriskipaður runt um í Føroyum av Felagnum Føroysk Tónaskøld síðani 1992. Talan er um ymisk sløg av tónleiki; nýskrivaðum og klassiskum tónleiki, fólkatónleiki, kórtónleiki og elektroniskum tónleiki v.m.
Tað serstaka við festivalinum er, at konsertirnar eru spjaddar út í hvønn krók í landinum, og tí er talan um eina forkunnuga heildaruppliving fyri bæði føroyingar og ferðafólk; at flyta seg úr gerandisdegnum og inn í eina hugnaliga kirkju, eitt øðrvísi konserthøli, eina lítla bygdalon, ella ein uttandurað pall.
Fleiri konsertir eru á skránni í Runavíkar kommunu í summar. Flestu av teimum eru ókeypis meðan einstakar kosta, tó einans 100 kr.
Her er eitt yvirlit yvir konsertirnar í Runavíkar kommunu:
12. juni kl. 19.30, Resterne af Rigsfællesskabet í Løkshøll, 100 kr
21. juni kl. 15.00, Flytifuglar í Rituvíkar kirkju, ókeypis
6. juli kl. 16.00, Benjamin Rajani í Oyndarfjarðar kirkju, ókeypis
21. juli kl. 19.30, Kári Sverrisson, Erkki Virkkala & Likka Huntus í Funnings kirkju, ókeypis
21. juli kl. 20.30, Kletstori í Dansistovuni í Funningi
24. juli kl. 20.00, Dania O. Tausen & Ragnar Finnson í Hanusarstovu í Æðuvík, ókeypis
2. august kl. 16.00, Guðrið Hansdóttir í Elduvíkar kirkju, ókeypis
13. august kl. 19.30, Rubert G. Marshall Luck í Skála kirkju, ókeypis
29. august kl. 16.00, Unci dunci trinci (fyri børn) í Gulu smiðju, ókeypis
Tiltøkini eru øll at finna á heimasíðuni summartonar.fo og á Facebook vanganum hjá Visit Runavík.
Fyrivarni verður tikið fyri broytinum í skránni.
Gott summar og góðar Summartónar!
Seinastu tíðindi
