Børn og ung

Við jøvnum millumbilum hittast leiðararnir á økinum á fundum saman við forkvinnuni í trivnaðarnevndini, borgarstjóranum og teimum sum varða av økinum í umsitingini hjá Runavíkar kommunu.

Um dagarnar var aftur fundur, og hesaferð snúði umrøðan seg í stóran mun um fíggjarætlanina fyri 2024. Fíggjarleiðarin var eisini á fundinum, og nú verður av álvara farið undir at fáa fíggjarliga grundarlagið lagt fyri næsta árið.

Á myndini eru tey sum leiða økið á Skála, í Oyndarfirði, Søldarfirði, Lamba, á Glyvrum, í Saltangará, Runavík, Rituvík og í Æðuvík saman við forkvinnuni í nevndini Sæunn Ólavsdóttir Hansen.