Rottangatøming á eystara armi á Skálafjørðinum

28. juni 2022

Reinsitænastan hjá IRF byrjar ein av komandi døgunum at tøma rottangar á Skipanesi og heldur síðan fram í Søldarfirði, Lamba, á Lambareiði og Glyvrum. Um nakrar vikur verður eisini byrjað við rottangatøming í Runavík og Saltangará.

Tað er ein ómetaliga stór hjálp hjá IRF, at rottangarnir eru klárir, tá teir koma á staðið. Tað sparir bæði borgarum og IRF nógva tíð og nógv stríð.

IRF heitir tí á fólk um at tryggja:
- at tangin er lættur at koma til
- at tað er grivið væl frá rundan um lokið
- at lokið er væl fest, men lætt at loysa
- at lokið er trygt og heilt
- at lokið er lætt at festa aftur, tá ið arbeiðið er liðugt
 

Eru omanfyri nevndu viðurskifti ikki í lagi, verður tangin ikki tømdur. Meira kann lesast um hetta á www.irf.fo/rottangatoming/

Reglugerðin sigur harumframt, at eigarin av rottanganum hevur til eina og hvørja tíð ábyrgd av, at tangin er í góðum standi og ikki er til ampa fyri fólk og umhvørvið. Hetta inniber millum annað, at fólk og fæ trygt kunnu ferðast tvørtur um rottangan, eisini eftir at hann er tømdur.

Tá ið tangin er tømdur, leggur IRF ein lepa við árstali undir lokið á tanganum.

 

IRF

Seinastu tíðindi

13. juli 2022
Kommunuskrivstovan í summarfrí
04. august 2022
Grønlendsk ráðharravitjan
25. juli 2022
Altjóða druknivanlukkufyribyrgingardagurin
22. juli 2022
Gjøld og treytir í samb. við moldgoymsluna á Skorhædd