Veðurlagsvirðisløn Føroya Lærarafelags
Í fráboðan verður tikið soleiðis til: ”Skála skúli. Vinnarin av Veðurlagsvirðisløn Føroya Lærarafelags er ein skúli, ið hevur skarað framúr í arbeiðinum at geva børnum og ungum áhuga fyri og innlit í veðurlagsavbjóðingar og loysnir á veðurlagsavbjóðingum.”
Annað árið á rað hevur Skála skúli vunnið heiðurslønina, og fyri tað hevur hann fingið handaðar 25 túsund krónur frá Betri samtakinum.
Í morgun kl. 10 var vinningurin hátíðarhildin í skúlanum í bygdini. Fleiri av næmingunum og lærarunum høvdu orðið, og forkvinnan í Umhvørvisnevnd býráðsins, Jonnhild Reynholdsdóttir, flutti fram røðu. Borgarstjórin ynskti skúla, lærarum og næmingum hjartaliga til lukku við hesum, at liggja í broddi fylkingar, táið tað snýr seg um burðardygd í samspælinum millum okkum og natúruna.