FERNISERING - nýggj verk hjá Tróndi Patursson

22. apríl 2021

Leygardagin 24. apríl verður fernisering í Glyvra kirkju. Framsýningin ’Náttúrulýsingar’ er myndað av nýggjum verkum, ið øll eru framleidd til høvi, nú mentanarvikan stendur fyri durum. Talan er um temperamálningar. Flestu verkini hjá Tróndi eita ‘Náttúrulýsingar’. Tey snúgva seg um at umseta náttúruupplivingina, ella ta natúrulistisku lýsingina av náttúruni til ekspressiva abstraktión. Tey eru um óendaliga dýpi náttúrunnar, um stórleikan, megina og intensitetin.

Ferniseringin verður sum nevnt hildin leygardagin 24. apríl kl. 16.30 í Glyvra kirkju, har Meinhard Bjartalíð bjóðar vælkomin. Silvitni framførir nøkur løg, og Tróndur Patursson hugleiðir um síni listaverk.

Silvitni er eitt kvinnukór ið syngja góðan og avbjóðandi kórtónleik undir kønari leiðslu av Cinthiu González, syngjandi kórleiðara.

Mentanarvikan í Runavíkar kommunu er í døgunum frá 25. apríl til 2. mai, og dyrnar eru opnar í Glyvra kirkju frá kl. 16.00-18.00 allar dagar.

Seinastu tíðindi

16. mai 2021
Frítíðar­húsið Elsa Súsanna
15. mai 2021
Kloakk temadagur í Løkshøll 19. mai
14. mai 2021
Ein er tíðin at dansa
14. mai 2021
Runavíkar havn 2020