Hvørja ávirkan hevur frítíðarkortið á børn og familjur?

Skal tú undir at skriva høvuðsuppgávu, ella skal tú møguliga í praksislæru í heyst?

Runavíkar kommuna leitar eftir einum eldhugaðum lesandi, til dømis innan samfelagsfrøði, fólkalívsfrøði, sosiologi ella líknandi, sum vil samstarva um eina verkætlan við fakligum og samfelagsligum virði.

Um uppgávuna:
Síðani 1. januar 2020 hevur Runavíkar kommuna havt eitt frítíðarkort til børn og ung, sum gevur teimum møguleika at luttaka í ítrótti, frítíðarvirksemi og kvøldskúlaskeiðum á jøvnum føti, óansæð fíggjarliga bakgrund. Kommunan hevur frá byrjan savnað hagtøl í sambandi við frítíðarkortið Spjaldur. Hagtølini umfata upplýsingar um:

- Hvørji nýta skipanina
- Hvørji tilboð verða vald
- Hvussu nógv tilboð verða vald
- Hvar í kommununi brúkararnir búgva

Harumframt er kommunan sinnað at stuðla víðari greiningum, sum kunnu vera:

- Spurnarkanningar millum brúkarar og foreldur, sum kunnu geva eina størri innlit í teirra royndir og upplivingar við skipanini
- Kvalitativar samrøður við útvaldar bólkar fyri at skilja sosiala, ítróttarliga og búskaparliga týdningin av kortinum

Tín uppgáva verður at brúka hesi dátugrundarløg til at svara spurningum, ið kunnu varpa ljós á eitt ella fleiri av hesum evnum:
- Hvussu Spjaldur ávirkar sosiala og ítróttarliga luttøku hjá børnum og ungum
- Fíggjarligu ávirkanina á familjurnar og kommununa
- Geografiska og demografiska útbreiðslu í kommununi og nýtslu av tilboðunum
- Hvat brúkarar og foreldur sjálvi halda um tiltakið

Hvørjum leita vit eftir?
Vit ímynda okkum, at tú ert lesandi innan eitt samfelagsfrøðiligt øki, til dømis fólkalívsfrøði, sosiologi ella samfelagsfrøði. Tú hevur áhuga fyri at arbeiða við dátugreining, spurnarkanningum og samfelagsligum spurningum og vil granska við denti á lokalsamfelagið.

Hvat bjóða vit?
- Atgongd til eina áhugaverda dátugrunn
- Møguleika fyri at gera nýggjar spurnarkanningar og samrøður í samstarvi við kommununa
- Møguleika fyri at nýta verkætlanina sum part av tínum lesnaði, t.d. bachelor- ella masterritgerð ella sum ein part av  praksislæru hjá kommununi
- Ein praktiskan vinkul á tín lesnað, ið styrkir tína fakligu vitan og lívsrenslið.
 

Hvussu kemur tú í gongd?
Vit eru við á Jobmatch. Kom framvið okkara bási, so vit kunnu greiða tær nærri frá verkætlanini. Tú kanst eisini senda okkum ein teldupost við tínum áhuga á rogvi@runavik.fo, og vit seta okkum í samband við teg.

Vit gleða okkum at samstarva við teg og varpa nýtt ljós á, hvat frítíðarkortið Spjaldur hevur at siga fyri okkara børn, ung, familjur og kommunu.

Menningin í Runavíkar kommunu hevur verið sera stór seinastu árini. Okkara arbeiðsuppgávur eru tí sera fjølbroyttar og spenna víða.

Ert tú undir lesnaði í Føroyum ella uttanlands? Hevur tú eina lestrarhálvu, ið tú skalt nýta sum starvslesandi? Ert tú í holt við tína útbúgving, og hevur hug og møguleika at arbeiða nakrar vikur í summar? Ella skalt tú í gongd við at skriva eina uppgávu um eitthvørt?

So er nú møguligt at koma at royna teg hjá okkum sum starvslesandi, í summarstarvi ella í samstarvi um eina uppgávu.

Set teg í samband við okkum fyri at finna útav, um vit kunnu bjóða tær samstarv og tú kanska fært hjálpt okkum við onkrari uppgávu.

Hevur hetta tín áhuga?
Hevur tað tín áhuga at gerast partur av Teknisku deild í Runavíkar kommunu í sambandi við lesnaðin, ert tú vælkomin at vitja okkara bás á Jobmatch, bíleggja eitt JobPrát, ella venda tær til Maritu S. Hentze á telefon 41 70 00, teldupost marita@runavik.fo.

Hevur tú hjarta fyri børnum og ynskir at skapa ein tryggan og mennandi gerandisdag fyri tey smæstu?

Runavíkar kommuna søkir eftir einum eldhugaðum dagrøktara at byrja 1. januar, ella eftir nærri avtalu.

Um starvið

Sum dagrøktari fer tú at hava ábyrgd av børnum í aldrinum 0-3 ár í egnum heimi. Tú skalt skapa eitt trygt og stimbrandi umhvørvi, har barnið er í miðdeplinum. 

Vit bjóða tær:

- Eitt sjálvstøðugt og fjølbroytt starv við stórari ávirkan á egnan arbeiðsdag
- Góðan og hollan námsfrøðiligan stuðul frá dagrøktarleiðaranum
- Skipað tilknýti til spælistovuna
 

Vit vænta, at tú:

- Kanst arbeiða sjálvstøðugt og við ábyrgd
- Hevur hug og áræði at skapa ein tryggan og mennandi gerandisdag
- Vísir umsorgan og virðing fyri tí einstaka barninum
Hevur góðar umstøður til børnini – bæði inni og úti
 

Setanarviðurskifti

Starvið verður lønt sambært sáttmála millum Starvsfelagið og Kommunala Arbeiðsgevarafelagið (KAF).
Ein triðingur av lønini verður roknaður sum útreiðslur í sambandi við dagrøktina og er tí skattafríur.
Egin børn undir 3 ár telja við sum dagrøktarbarn.

Umsókn

Send umsókn, lívsrensl og onnur viðkomandi skjøl til dagrokt@runavik.fo

Runavíkar kommuna hevur skyldu til at útvega barnaváttan sambært grein 4 í barnaváttanarlógini, áðrenn starvið verður sett.

Vilt tú vita meira?

Ring til Bjørg Rasmussen, dagrøktarleiðara, á tlf. 228594