Hevur tú hjarta fyri børnum og ynskir at skapa ein tryggan og mennandi gerandisdag fyri tey smæstu?
Runavíkar kommuna søkir eftir einum eldhugaðum dagrøktara at byrja hálvan september 2025, ella eftir nærri avtalu.
Um starvið
Sum dagrøktari fer tú at hava ábyrgd av børnum í aldrinum 0-3 ár í egnum heimi. Tú skalt skapa eitt trygt og stimbrandi umhvørvi, har barnið er í miðdeplinum.
Vit bjóða tær:
- Eitt sjálvstøðugt og fjølbroytt starv við stórari ávirkan á egnan arbeiðsdag
- Góðan og hollan námsfrøðiligan stuðul frá dagrøktarleiðaranum
- Skipað tilknýti til spælistovuna
Vit vænta, at tú:
- Kanst arbeiða sjálvstøðugt og við ábyrgd
- Hevur hug og áræði at skapa ein tryggan og mennandi gerandisdag
- Vísir umsorgan og virðing fyri tí einstaka barninum
Hevur góðar umstøður til børnini – bæði inni og úti
Setanarviðurskifti
Starvið verður lønt sambært sáttmála millum Starvsfelagið og Kommunala Arbeiðsgevarafelagið (KAF).
Ein triðingur av lønini verður roknaður sum útreiðslur í sambandi við dagrøktina og er tí skattafríur.
Egin børn undir 3 ár telja við sum dagrøktarbarn.
Umsókn
Send umsókn, lívsrensl og onnur viðkomandi skjøl til dagrokt@runavik.fo
Umsóknarfreist: 1. August 2025
Runavíkar kommuna hevur skyldu til at útvega barnaváttan sambært grein 4 í barnaváttanarlógini, áðrenn starvið verður sett.
Vilt tú vita meira?
Ring til Bjørg Rasmussen, dagrøktarleiðara, á tlf. 228594
