Ert tú byggifrøðingur ella verkfrøðingur og kundi hugsað tær starv á framsøknari deild? Á teknisku deild í Runavíkar kommunu er eitt spennandi starv leyst at søkja.

Høvuðsuppgávan er at leggja ætlanir fyri og føra út í verki arbeiðið á tekniska økinum - undir hesum at standa fyri projekteringum, útbjóðingum, eftirliti og byggiroknskapi í teimum byggiarbeiðum, ið deildin hevur um hendi. 

Uppgávur

Tú vísir til býarverkfrøðingin, og okkara uppgávur eru í høvuðsheitum hesar:

• Verkætlanarbeiði og eftirlit
• Býar- og byggiráðlegging
• Anlegsarbeiði
• Stýring av kommunalum viðlíkahaldsarbeiði
• Málsviðgerð og ráðleggingararbeiði
• Luttøka í dagligum umsitingarligum uppgávum

Fakligir førleikar

Ynskiligt er, at tú í stóran mun hevur hesar fakligu førleikar:

• Útbúgving sum verkfrøðingur, byggifrøðingur ella líknandi tekniska útbúgving
• Tekniskan førleika í projekteringsarbeiði og stýring av byggiverkætlanum
• Dugir at brúka viðkomandi teknisk forrit, eitt nú AutoCad/Revit og ArcGIS

Persónligir eginleikar 

Ynskiligt er at tú ert:

• tænastusinnað/ur, nærverandi og týðilig/ur
• hevur góð evni og dámar væl at samstarva og samskifta
• røkin og hevur gott yvirlit
• og ert fyrikomandi við jaligum sinni og er opin fyri tillagingum

Løn og setan

Miðað verður eftir, at starvið kann verða sett frá 1. oktobur 2024 ella eftir nærri avtalu. Starvið verður lønt sambært sáttmála millum Akademikarafelag Føroya ella avarandi fagfelag og Kommunala Arbeiðsgevarafelag Føroya.

Umsókn og upplýsingar

Umsókn, saman við CV, mynd, avriti av prógvi og møguligum viðmæli/um, skal vera kommununi í hendi í seinasta lagi sunnudagin hin 25. august 2024. 

Vilt tú vita meira um starvið, kanst tú seta teg í samband við Maritu Hentze, býarverkfrøðing á tlf. 237070, ella við telduposti til: marita@runavik.fo.

Víst verður eisini til heimasíðuna hjá Runavíkar kommunu: www.runavik.fo 

Barnaverndartænastan við Skálafjørðin
Runavíkar-, Sjóvar- og Nes kommuna
______________________________________________________________________________________
Starvið sum skrivari hjá Barnaverndartænastuni við Skálafjørðin er leyst at søkja til setan 1. oktober
2024 ella skjótast gjørligt.
Talan er um fulltíðarstarv, men við møguleika fyri at arbeiða niðursetta tíð.
Barnaverndartænastan, sum heldur til á Mýravegi 26 í Runavík, fevnir um Runavíkar, Nes og Sjóvar
kommunur.
Í Barnaverndartænastuni starvast 7 fólk, sum eru sosialráðgevar, sálarfrøðingur og skrivstovufólk.
Uppgávurnar hjá skrivaranum eru fjølbroyttar, og fevna, umframt um skrivarauppgávur í mun til
sosialráðgevararnar, eisini um journalisering, fyrireikan av innlitsumbønum, móttøku av viðskiftafólki,
telefon, skrásetan av hagtølum, umsiting av lønarviðurskiftum og annað fyrifallandi arbeiði.

Førleikakrøv
Útbúgving sum skrivstovufólk/skrivari e.l
Góðar málsligar førleikar í føroyskum
Royndir í 360 journalskipanini kann vera ein fyrimunur

Vit ímynda okkum ein skrivara sum:
Kann arbeiða sjálvstøðugt og hevur gott yvirlit
Er fyrikomandi, jaligur og tænastusinnaður
Er ábyrgdarfullur og hevur góð samstarvsevni

Setanarviðurskifti
Løn og setanarviðurskifti eftir sáttmála millum Starvsfelagið og Kommunala Arbeiðsgevarafelagið.
Nærri kunning fæst við at venda sær til Katrin Dam, leiðara, tlf. 237098.
Umsókn við prógvum og royndum skal sendast umvegis lýsingarportalin Alfred HER
Umsóknarfreistin er hósdagin 8. august 2024.

Sjóvar, Nes- og Runavíkar kommuna samstarva um barnaverndartæanstuna sambært lóg um
Barnavernd. Í kommununum búgva áleið 7.000 fólk

Vilt tú arbeiða heima við smáum børnum

Í dagrøktini eru 56 børn í aldrinum 0 - 3 ár og 17 dagrøktarar. Dagrøktin er væl skipað við spælistovu í Barnalonini, avloysara, ið hjálpir til við gestarøkt, og við økisnámsfrøðingi, ið leggur námsfrøðiligt lag á.

Vit bjóða dagrøktarum:
· Eitt sjálvstøðugt og fjølbroytt starv
· Hollan námsfrøðiligan stuðul frá leiðslu og økisnámsfrøðingi
· Skipað tilknýti til spælistovuna

Vit vænta, at dagrøktarar:
· kunna arbeiða sjálvstøðugt
· hava hug og áræði at skapa ein tryggan og mennandi gerandisdag við virðing og umsorgan fyri tí einstaka barninum
· hava góðar umstøður til  børnini bæði inni og uttanfyri.

Lønarviðurskifti:
Dagrøktarar eru løntir eftir sáttmála millum Starvsfelagið og Kommunala Arbeiðsgevarafelagið og ganga stigini 2 - 9. Ein triðingur av lønini verður roknaður sum útreiðslur í sambandi við dagrøktina og er tí skattafríur. Egin børn undir 3 ár, eru partur av dagrøktini.

Hevur hetta tín áhuga, so fæst meir at vita um starvið, við at venda sær til Bjørg Rasmussen, leiðara, á tlf. 228594

Vit søkja eftir námsfrøðingum/hjálparfólkið til Sóljuhjarta.

Størvini eru til vøggustovu og barnagarð. Vit søkja eisini avloysarar, at senda boð eftir, eftir tørvi.

Um okkum:

Í Sóljuhjartanum starvast, um 40 fakligt dugnalig og íðin starvsfólk.

Vit hava 4 barnagarðstovur við 80 børnum og 2 vøggustovur við 26 børnum og 15 børn í náttúrbarngarði í Æðuvík.

Fyrst í komandi ári lata vit tvær nýggjar vøggustovur upp í Søldafjarðar skúla.

Sóljuhjarta liggur sentralt í meginøkinum.

Vit vænta av tær, at tú:

hevur umsorgan fyri børnum
er íðin, nærlagdur og álítandi
dugir væl at samskifta og hevur góð samstarvsevnir
hevur gott yvirlit og megnar væl at skipa dagin
er nýhugsandi, ígongdsetandi og megnar broytingar um so skuldi verið
sær møguleikar í náttúruni og gera brúk av teimum í arbeiðinum
 
Lønin er sambært sáttmála millum Føroya Pedagogfelag og Kommunala Arbeiðsgevarafelag Føroya

Nærri fæst at vita um størvini, við at tosa við til Káru Løkin,leiðara tlf. 297171