Trivnaðardeildin í Runavíkar kommunu leitar eftir fulltrúa at seta í starv skjótast gjørligt. Talan er um eitt fjølbroytt starv, har ongin dagur verður eins, og tú sleppur at loysa nógvar og ymiskar uppgávur innan trivnaðar- og mentanarøkið.

Vit ímynda okkum at tú ert ein generalist við førleikum til skjótt og væl at seta teg inn í nýggj mál. Tú dugir væl at tosa við fólk, at kunna og upplýsa borgarar og feløg, ið venda sær til kommununa. Tú dugir at avgreiða mál skjótt, og tú dugir eisini at kava niður í eitt mál og lýsa hetta væl og skilligt, soleiðis at politiska skipanin kann taka støðu á einum upplýstum fakligum grundarlagi.

Trivnaðardeildin er nýggj á tann hátt, at hon er ein samanrenning av trivnaðar- og mentanardeildunum. Málsøkini fevna um alt innan heilsu- og umsorgan, børn- og ung, undirvísing, og mentan, frítíð og ítrótt. Tí hevur tað týdning, at tú hevur vitan um og/ella kanst skjótt ogna tær innlit í hesi málsøki.

Tín høvuðsuppgáva verður at lofta teimum málum, sum koma inn á deildina, at fyrireika mál til nevndarviðgerð og at avgreiða politiskar samtyktir. Harumframt sleppur tú at gera ymsar greiningar av málsøkjunum og luttøka í verkætlanum, sum menna og framtíðartryggja hesi øki í kommununi. Tú kanst vænta tær dagligt samskifti við borgarar, ítróttar- og áhugafeløg og starvsfólk í kommununi.

Tú vísir beinleiðis til trivnaðarleiðaran og verður partur av einari deild, har tað eisini starvast ein námsfrøðiligur ráðgevi, ein mentanarsamskipari og har tað er tætt samstarv við leiðararnar í dagstovnunum, leiðaran í bókasavninum og leiðaran í ungdóms- og mentanarhúsinum Gulu Smiðju.

 

Faklig førleikakrøv og royndir

Vit vænta, at tú hevur hægri útbúgving innan eitt nú stjórnmálafrøði, politikk og umsiting ella líknandi. Tú kanst eisini hava professiónsútbúgving innan almenna fyrisiting. Tín útbúgvingarliga bakgrund er ikki altavgerandi. Tað er týdningarmeiri at tú dugir at arbeiða breitt og at tú hevur hug at fáast við bæði fígging, politikk, løgfrøði, fólk og samstarv við ymiskar fakbólkar.

Tú kanst hava royndir á einum ella fleiri av økjunum, men ert tú nýútbúgving og hevur røttu førleikarnar og rætta hugburðin, mæla vit tær eisini til søkja. Tú kanst tá vænta tær at fáa eitt sera breitt innlit í kommunala fyrisiting.

 

Løn og setanartreytir

Starvið verður sett sambært sáttmála millum Kommunala Arbeiðsgevarafelagið (KAF) og Búskapar- og Løgfrøðingafelag Føroya ella avvarðandi fakfelag.

 

Umsókn

Søkjast skal gjørnum Alfred.fo í seinasta lagi 27. novembur.

Starvið verður sett skjótast gjørligt.

Allar umsóknir verða viðgjørdar í trúnaði.

Møguligir umsøkjarar eru vælkomnir at venda sær til Rógva Nybo, trivnaðarleiðara, teldupostur: rogvi@runavik.fo, telefon: 237045, at fáa nærri upplýsingar um starvið.

Hevur tað týdning fyri teg at veita góða tænastu og hava ábyrgd?

Ynskir tú eitt fjølbroytt og áhugavert starv?

So er hetta kanska dreymastarvið hjá tær!

Runavíkar kommuna er í stórum vøkstri og krevur hetta alsamt meir av umsitingini, eins og uppgávurnar og krøvini eru vaksandi. Tekniska deild stendur á odda fyri at viðlíkahalda og menna felagsogninirnar hjá íbúgvunum í Runavíkar kommunu, og er eitt avbjóðandi og spennandi starv leyst at søkja í Teknisku deild.

 

STARVIÐ SUM SAMSKIPARI

Samskiparin, sum er ein lyklapersónur á Teknisku deild, vísir til býarverkfrøðingin og stendur fyri móttøku, meting, planlegging og uppfylging av øllum málum sum koma til Teknisku deild, í tøttum samstarvi við býarverkfrøðingin. Harumframt kemur samskiparin eisini at arbeiða við at gera skrivligar mannagongdir fyri kjarnutænasturnar hjá Teknisku deild, umframt at hava ábyrgdina av skrivarauppgávum og journalisering.

Týdningarmiklastu uppgávurnar hjá samskiparanum:

· Skipa fyri stýring av øllum málum

· Móttøka og skrivari fyri býarverkfrøðingin

· Umsita journalskipan, málrøkt og rættlestur

· Uppfylging av býráðssamtyktum

· Samskifta við borgarar og almennar stovnar

· Viðvirkað til áhaldandi at menna og at gera virksemið einfaldari

 

Førleikakrøv

Ynskiligt er at umsøkjarar hava flest allar av hesum fakligu førleikum:

- Hóskandi útbúgving innan økið

- Royndir innan fyrisiting og kennir fyrisitingarliga handverkið

- Kunnleika og royndir við journalskipan

- Royndir í at samskipa og stýra samlaða virkseminum hjá eini deild

- Góð analytisk evni og góðan telduførleika

- Dugir væl at samskifta og málbera teg á føroyskum í skrift og talu

 

Persónligur førleikar

Ynskiligt er at samskiparin hevur flest allar av hesum førleikum:

- Er framsøkin og dugir at taka ábyrgd

- Tænastusinnað/ur, nærverandi og týðilig/ur

- Góð evni og dámar væl at samstarva og samskifta

- Dugir at arbeiða sjálvstøðugt og í toymi

- Ert røkin og hevur gott yvirlit

- Fyrikomandi við jaligum sinni er opin fyri tillagingum

 

Løn og setan

Starvið verður sett skjótast gjørligt, og verður lønt sambært sáttmála millum starvsfelagið og Kommunala Arbeiðsgevarafelag Føroya.

 

Umsókn og upplýsingar

Umsóknir skulu søkjast gjørnum Alfred.fo í seinasta lagi hósdagin 28. November 2024.

Áhugaðir umsøkjarar, ið ynskja fleiri upplýsingar um starvið, kunnu seta seg í samband við Maritu Hentze, býarverkfrøðing á tlf. 237070, ella við telduposti til: marita@runavik.fo. 

Vilt tú arbeiða heima við smáum børnum

Í dagrøktini eru 56 børn í aldrinum 0 - 3 ár og 17 dagrøktarar. Dagrøktin er væl skipað við spælistovu í Barnalonini, avloysara, ið hjálpir til við gestarøkt, og við økisnámsfrøðingi, ið leggur námsfrøðiligt lag á.

Vit bjóða dagrøktarum:
· Eitt sjálvstøðugt og fjølbroytt starv
· Hollan námsfrøðiligan stuðul frá leiðslu og økisnámsfrøðingi
· Skipað tilknýti til spælistovuna

Vit vænta, at dagrøktarar:
· kunna arbeiða sjálvstøðugt
· hava hug og áræði at skapa ein tryggan og mennandi gerandisdag við virðing og umsorgan fyri tí einstaka barninum
· hava góðar umstøður til  børnini bæði inni og uttanfyri.

Lønarviðurskifti:
Dagrøktarar eru løntir eftir sáttmála millum Starvsfelagið og Kommunala Arbeiðsgevarafelagið og ganga stigini 2 - 9. Ein triðingur av lønini verður roknaður sum útreiðslur í sambandi við dagrøktina og er tí skattafríur. Egin børn undir 3 ár, eru partur av dagrøktini.

Hevur hetta tín áhuga, so fæst meir at vita um starvið, við at venda sær til Bjørg Rasmussen, leiðara, á tlf. 228594

Vit søkja eftir námsfrøðingum/hjálparfólkið til Sóljuhjarta.

Størvini eru til vøggustovu og barnagarð. Vit søkja eisini avloysarar, at senda boð eftir, eftir tørvi.

Um okkum:

Í Sóljuhjartanum starvast, um 40 fakligt dugnalig og íðin starvsfólk.

Vit hava 4 barnagarðstovur við 80 børnum og 2 vøggustovur við 26 børnum og 15 børn í náttúrbarngarði í Æðuvík.

Fyrst í komandi ári lata vit tvær nýggjar vøggustovur upp í Søldafjarðar skúla.

Sóljuhjarta liggur sentralt í meginøkinum.

Vit vænta av tær, at tú:

hevur umsorgan fyri børnum
er íðin, nærlagdur og álítandi
dugir væl at samskifta og hevur góð samstarvsevnir
hevur gott yvirlit og megnar væl at skipa dagin
er nýhugsandi, ígongdsetandi og megnar broytingar um so skuldi verið
sær møguleikar í náttúruni og gera brúk av teimum í arbeiðinum
 
Lønin er sambært sáttmála millum Føroya Pedagogfelag og Kommunala Arbeiðsgevarafelag Føroya

Nærri fæst at vita um størvini, við at tosa við til Káru Løkin,leiðara tlf. 297171

Søkt verður eftir:
• einum stuðli at byrja 1. desember 2024 ella eftir nærri avtalu og til 19. juni 2025.
Talan er um eitt parttíðarstarv sum stuðul í einum skúlaflokki í miðdeildini (lønarbrot
0,75)

Søkt verður eftir starvsfólki, sum :
• undir ábyrgd leiðslunnar taka lut í dagliga arbeiði skúlans
• áhaldandi vilja menna seg sjálvan og skúlan
• duga væl at samstarva og samskifta
• eru fús og hugað fyri toymisarbeiði
• eru rúmlig og hava ein jaligan hugburð mótvegis næmingunum
• vilja rúma ymiskleikanum og styrkja felagsskapin
Fyrimunur er, um umsøkjarin er námsfrøðingur og/ella hevur royndir sum námsfrøðiligur
stuðul.

Lønar- og setanartreytir.
Setanarøkið eru skúlarnir, sum hoyra til Runavíkar kommunuskúla.
Tann, ið settur verður, eigur at tola broytingar starvinum viðvíkjandi.
Starvið er sáttmálasett starv sambært sáttmála millum Føroya Pedagogfelag og
Fíggjarmálaráðið

Námsfrøðingar í skúlanum eru løntir í lønarflokki 11-24.
Hjálparfólk í skúlanum eru lønt í lønarflokki 3-9.
Arbeiðstíðin er millum kl. 7.50 – 15.10.
Barnaváttan verður kravd í samband við setanina.

Umsóknir
Umsóknir við avriti av prógvum, C.V. og møguligum ummælum skulu verða skúlanum í
hendi í seinasta lagi fríggjadagin 29. november 2024 kl. 12.00.
Umsóknir kunnu sendast til rks@skulin.fo ella durita.joensen@skulin.fo

Meira fæst at vita um størvini við at seta seg í samband við Duritu P. Joensen, skúlastjóra á
tlf. 477332 & 217331.
_____________________________________________________________________
Runavíkar kommunuskúli hevur komandi skúlaár uml. 506 næmingar, av hesum eru 55 í forskúlanum, og uml.
70 starvsfólk.
Tú kanst lesa meira um okkum á heimasíðuni www.rks.fo

Søkt verður eftir varaskúlastjóra í fast starv frá 01.01.2025

Søkt verður eftir varaskúlastjóra, sum
• undir ábyrgd og í samstarvi við skúlastjóran og leiðslutoymið annars skal taka lut í og hava ábyrgd
fyri teirri fyrisitingarligu og námsfrøðiligu leiðsluni av virksemi skúlans
• dugir at samstarva og er fyrikomandi
• er fúsur at taka á seg uppgávur í samstarvi við og eftir fyriskipan skúlastjórans

Harumframt skal varaskúlastjórin
• standa á odda fyri fakligari og námsfrøðiligari menning á skúlanum
• saman við leiðslutoyminum átaka sær fyrisitingarliga ábyrgd
• saman við leiðslutoyminum skapa virðing fyri skúlanum og umstøður hjá tí einstaka fyri samávirkan
og samábyrgd

Førleikakrøv
Umsøkjarar skulu hava læraraútbúgving og starvsroyndir í fólkaskúlanum. Tað kann vera fyrimunur at hava
viðkomandi leiðsluroyndir. Umsøkjarin eigur at hava:
• góð leiðslu- og samstarvsevni
• vilja og evni at royna nýggjar leiðir skúlanum at frama
• góðan málsligan førleika á skrift og í talu
• førleikar at taka neyðugar avgerðir og er sinnaður at fara undir avbjóðingar

Lønar- og setanartreytir
Setanarøkið er Runavíkar kommunuskúli. Tann, ið settur verður, eigur at tola broytingar í starvinum.
Starvið verður lønt í lønarflokki 35.1 sambært avtalu millum Fíggjarmálaráðið og Føroya Lærarafelag.
Starvið verður sett sum sáttmálasett starv uttan so, at tann, sum settur verður, er tænastumannasettur lærari
frammanundan. Skylduga undirvísingartímatalið verður ásett eftir galdandi reglum.
Barnaváttan verður kravd í samband við setanina.

Umsókn við prógvi, CV og møguligum ummælum skal verða Duritu P. Joensen, skúlastjóra í hendi í
seinasta lagi hósdagin 5. desember 2024 kl. 12.00.
Umsóknin skal sendast á: durita.joensen@skulin.fo
Nærri upplýsingar um starvið fáast við at venda sær til Duritu P. Joensen, skúlastjóra á tlf. 217331 ella
477331
--------------------------------------------------------------------------------------------------------------------------------
Í Runavíkar kommunuskúla eru uml. 500 næmingar í 0. – 10. flokki. Undirvísingin fer fram í tveimum
skúlabygningum, Glyvra skúla og skúlanum við Løkin. Í Glyvra skúla ganga næmingar í forskúla og 1. - 3.
flokki og í skúlanum við Løkin næmingar í 4. - 10. flokki. Harumframt er eitt sertoymi í Glyvra skúla og
skúlanum við Løkin. Í skúlanum starvast í løtuni uml. 70 starvsfólk.