Býráðsfundur
Býráðslimir: Tórbjørn Jacobsen, Kaja Joensen, Tóri Højgaard, Pauli Poulsen, Sonne L. Petersen, Terje B. Vestergaard, Jonnhild Reynholdsdóttir, Sæunn Ó. Hansen, Jonhard Danielsen, Petur Hansen og Elin K. Joensen.
1/21: Umsókn um øki til Ríðifelagið Sleipnir
Ríðifelagið Sleipnir søkir um at fáa loyvi at brúka matr. nr. 93c í Lamba til ríðibreyt.
-Býráðið samtykti á fundi 24/9-2020 at játta umsóknini og at sáttmálin millum partarnar verður lagdur til býráðið til góðkenningar.
-Ítróttarnevndin mælir til at góðkenna uppskotið til leiguavtalu millum Riðingarfelagið Sleipnir og Runavíkar kommunu, galdandi í 10 ár.
-Býráðið samtykti á fundi 28/1-2021 at beina málið í Byggi- og býarskipanar-nevndina til viðgerðar
2/21: Umsókn um sundurbýti á Skála
Umhvørvisstovan sendir til ummælis umsókn um sundurbýti av einum uml. 59m2 stórum stykki burturav matr. nr. 110a á Skála til eina neystagrund, til ummælis.
-Byggi- og býarskipanarnevndin mælir til at viðmæla umsóknini.
-Býráðið samtykti á fundi 28/1-2021 at taka undir við tilmælinum frá Byggi- og býarskipanarnevndini.
3/21 Umsókn um sundurbýti í Oyndarfirði
Umsókn um sundurbýti av einum hoyggjhúsi á matr. nr. 2 í Oyndarfirði til sjálvstøðugan matrikkul.
-Byggi- og býarskipanarnevndin mælir til at viðmæla umsóknini.
-Býráðið samtykti á fundi 28/1-2021 at taka undir við tilmælinum frá Byggi- og býarskipanarnevndini.
4/21 Umsókn um yvirtøku av leigutrø á Glyvrum
Búnaðarstovan sendir kommununi umsókn um yvirtøku av leigutrø matr. nr. 126a á Glyvrum til ummælis.
-Byggi- og býarskipanarnevndin mælir frá at viðmæla umsóknini, tí kommunan hevur ætlanir um at fáa hetta øki til framtíðar útstykking á Glyvrum.
-Býráðið samtykti á fundi 28/1-2021 at taka undir við tilmælinum frá Byggi- og býarskipanarnevndini.
5/21: Nýggj vegatkoma til Ídnaðarøkinum á Rituvíkshálsi
P/F Stórbilar søkja um loyvi til at gera atkomu frá Rituvíkarvegi til virkisbygning teirra á matr. nr. 47c Nes bygd.
-Byggi- og býarskipanarnevndin mælir til at játta umsóknini.
-Tøkni- & Umhvørvisnevndin mælir til at játta umsóknini.
-Býráðið samtykti á fundi 28/1-2021 at taka undir við tilmælinum frá Byggi- og býarskipanarnevndini og Tøkni- og Umhvørvisnevndini.
6/21 Lýsingarskelti á kommunalar bygningar
Dánial Hansen søkir vegna NSÍ um loyvi til at seta lýsingarskelti á kommunalan bygning.
-Byggi- og býarskipanarnevndin mælir frá at játta umsóknini.
-Tøkni- & Umhvørvisnevndin mælir frá at játta umsóknini.
-Ítróttarnevndin mælir frá at játta umsóknini.
-Býráðið samtykti á fundi 28/1-2021 at taka undir við tilmælinum frá Byggi- og býarskipanarnevndini, Tøkni- og Umhvørvisnevndini og Ítróttarnevndini.
7/21: Umsókn um sundurbýti í Oyndarfirði
Umhvørvisstovan sendir umsókn um samanlegging av matr. nr. 97 og 98 í Oyndarfirði til ummælis.
-Byggi- og býarskipanarnevndin mælir frá at játta umsóknini tí byggisamtyktin ikki loyvir samanlegging av grundstykkjum í Elstu býlingunum (B40-B55 øki)
-Býráðið samtykti á fundi 28/1-2021 at taka undir við tilmælinum frá Byggi- og býarskipanarnevndini.
8/21: Rakstrarætlan fyri Kongshavnar havn
Kongshavnar havnarstýri hevur sent uppskot til rakstrarætlan fyri fíggjarárið 2021
-Fíggjarnevndin mælir til at góðkenna uppskotið til rakstrarætlan fyri 2021.
-Býráðið samtykti á fundi 28/1-2021 at taka undir við tilmælinum frá fíggjarnevndini.
9/21: Broyting av Almennu byggisamtyktini
Tekniska deild skjýtir upp at broyta almennu byggisamtyktina í samband við útrokning av nýtingarstigi soleiðis, at bilhús, hjallar og onnur úthús á tilsamans 35 m2 kunnu verða bygd saman við sethúsunum uttan at telja við í nýtingarstiginum.
Byggi- og býarskipanarnevndin mælir til at taka undir við tilmælinum frá Teknisku deild.
-Býráðið samtykti á fundi 28/1-2021 at taka undir við tilmælinum frá Byggi- og býarskipanarnevndini.
10/21: Hoyringsskriv um aliloyvi á Lambavík
Heilsufrøðiliga Starvsstovan hevur sent hoyringsskriv viðvíkjandi umsókn frá Bakkafrost Framing um at leingja aliloyvi á C-11 á Lambavík til viðmerkingar.
Tekniska deild hevur ikki viðmerkingar til hoyringsskrivið og tillagingarnar eru ikki í stríð við byggisamtykt og býarplan fyri Lambavík og mælir til at viðmæla umsóknini.
-Vinnu- og havnarnevndin tekur undir við tilmælinum frá Teknisku deild.
-Tøkni- & Umhvørvisnevndin tekur undir við tilmælinum frá Teknisku deild.
-Býráðið samtykti á fundi 28/1-2021 at taka undir við tilmælinum frá Vinnu- og havnarnevndini og Tøkni- og Umhvørvisnevndini.
11/21: Val av gøtunavnanevnd
Reglugerð fyri gøtunøvn varð samtykt av býráðnum í 2018, sum eisini umfatar val av gøtunavnanevnd við 5 fólkum.
-Mentanarnevndin mælir til at velja Ásfinn Sigvardsen, Jens Dalsgaard, Duritu Joensen, Tótu Árnadóttir og Tummas M. Jacobsen í nevndina.
-Býráðið samtykti á fundi 28/1-2021 at taka undir við tilmælinum frá Mentanarnevndini.
12/21: Val av valstýrum og valnevnd fyri býráðssetuna 2021-2024
-Fíggjarnevndin hevur gjørt uppskot til val av limum í kommunalu valnevndina og tey 7 valstýrini í kommununi og mælir til, at tikið verður undir við uppskotinum um val av nevndar- og stýrislimum.
-Býráðið samtykti á fundi 28/1-2021 at taka undir við tilmælinum frá fíggjarnevndini.
13/21: Kommunalt umboð í staðbundnu nevndina fyri Funning
-Fíggjarnevndin mælir til, umframt borgarstjóran, at velja Elin Klein Joensen sum lim í Staðbundnu nevndina fyri Funning.
-Býráðið samtykti á fundi 28/1-2021 at taka undir við tilmælinum frá fíggjarnevndini.
14/21: Endurskoðan av kommunustýrisskipanini hjá Runavíkar kommunu
Í samband við skipan av nevndum fyri valskeiðið 2021-2024, var semja um at skipa eina nýggja nevnd “Ítróttarnevndin” og at leggja Teknisku nevnd og Umhvørvisnevndina saman í eina nevnd “Tøkni- Umhvørvisnevndin”
Í hesum sambandi er neyðugt at tillaga kommunustýrisskipanina.
-Fíggjarnevndin mælir til at taka undir við uppskotinum um tillaging av kommunustýrisskipanini.
-Býráðið samtykti á fundi 28/1-2021 at taka undir við tilmælinum frá fíggjarnevndini.