Býráðsfundur

Býráðslimir: Tórbjørn Jacobsen, Tóri Højgaard, Sigrun Jónsveinsdóttir, Jógvan Andersen, Arnfinn Langgaard, Petur Hansen, John Andersen, Bogi Hansen, Pauli Poulsen, Terje Beinar Vestergaard og Jóhan Vest

Avboð.: Terje Beinar Vestergaard

17/25 Umsókn um loyvi at vaksa um spælipláss á Høgabóli og byggja paddelvøll

Sambært tekningum í umsóknin er ætlanin at byggja nýtt spælipláss og paddelvøll beint sunnanfyri sparkivøllin á Høgabóli. Tekniska deild mælir til at ganga umsóknini á møti og viðgera málið sum eitt byggimál.

- Byggi- og býarskipanarnevndin tekur undir við tilmælinum frá Teknisku deild.

- Býráðið hevur samtykt at taka undir við tilmælinum frá Byggi- og býarskipanarnevndini.

 

18/25 Umsókn um sundurbýti til samanlegging millum matr. Nr 246 og 254a, Rituvík

Umhvørvisstovan hevur sent kommununi umsókn um sundurbýti í sambandi við samanlegging av kirkjugarðinum í Rituvík. Tekniska deild mælir til at viðmæla umsóknini.

- Byggi- og býarskipanarnevndin tekur undir við tilmælinum frá Teknisku deild

- Býráðið hevur samtykt at taka undir við tilmælinum frá Byggi- og býarskipanarnevndini.

 

19/25 Reglugerð fyri útlutan av grundstykkjum

Nýggj reglugerð og mannagong fyri útlutan av grundstykkjum er skrivað og verður løgd fyri býráðið.

- Byggi- og býarskipanarnevndin mælir til at samtykkja reglugerðina sum tillagað á fundinum.

- Fíggjarnevndin mælir til at samtykkja reglugerðina við teimum broytingum, sum Fíggjarnevndin gjørdi á fundinum.

- Býráðið hevur samtykt at taka undir við tilmælunum frá byggi- og býarskipanarnevndini og Fíggjarnevndini og samtykkja reglugerðina.