Býráðsfundur

Býráðslimir:  Tórbjørn Jacobsen, Kaja Joensen, Tóri Højgaard, Pauli Poulsen, Sonni L. Petersen, Terje B. Vestergaard, Jonnhild Reynholdsdóttir, Sæunn Ó. Hansen,  Jonhard Danielsen, Petur Hansen og Elin Klein Joensen. 
 
Varalimir: John Andersen, Reidar F. Joensen og Jastrid Weihe 
 
Avboð: Sonni L. Petersen, Jonhard Danielsen og Elin Klein Joensen    
 
  
60/24: Umsókn um byggiloyvi til nýggja turrdokk á Skála 
P/F Mest søkir um byggiloyvi til nýggja turrdokk á Skála við atkomuvegi niður í dokkina. 
Í mun til upprunaligu æltanina, hevur Mest valt at flyta dokkina 50 m í ein landnyrðing út á sjógv, burtur frá bygdini. 
Umhvørvisstovan hevur góðkent ætlanina við støði í nýggju turrdokkini og samlaða virkseminum hjá Mest. Umhvørvismálaráðið hevur góðkent broytingina av byggisamtyktini. 
-Tekniska deild mælir til at játta byggiloyvi til nýggja turrdokk á Skála smb. innsendu umsóknini og tilhoyrandi skjølum. 
-Vinnu- og havnarnevndin, Byggi- og býarskipanarnevndin og Tøkni- og umhvørvisnevndin mæla til at taka undir við tilmælinum frá Teknisku deild. 
- Býráðið hevur á fundi 29/8-2024 einmælt samtykt at taka undir við tilmælinum frá Vinnu- og havnarnevndini, Byggi- og býarskipanarnevndini og Tøkni- og umhvørvisnevndini. 
 
 
61/24: Broyting av býarplaninum frá oljutangunum í Søldarfirði og út til Lambareið 
Tá freistin at koma við viðmerkingum/mótmælum til ætlaðu býarplansbroytingina fyri økið frá oljutangunum í Søldarfirði og út til Lambareiði var úti, var eitt mótmæli við 42 undirskriftum innkomið.  
Kærararnir siga seg ikki verða nóg væl kunnaði um ætlanina og vænta at hetta kemur at órógva og hava meira ferðslu við sær. 
-Tekniska deild mælir til at halda fast um ætlaðu broytingina av býarplaninum og senda málið, saman við mótmælinum, til Umhvørvismálaráðið til endaliga avgreiðslu. 
-Vinnu- og havnarnevndin og Byggi- og býarskipanarnevndin mæla til at taka undir við tilmælinum frá Teknisku deild. 
-Býráðið hevur á fundi 29/8-2024 samtykt við 10 atkvøðum fyri og einari ímóti at taka undir við tilmælinum frá Vinnu- og havnarnevndini og Byggi-og býarskipanarnevndini. 
 
 
62/24: Broyting av býarplaninum í Æðuvík 
Í samband við marknaumskipan/umbýti millum matr. nr. 25 og matr. nr. 21 í Æðuvík, sum býráðið hevur samtykt at viðmæla, er neyðugt at broyta býarplanin soleiðis, at hetta kann lata seg gera. 
-Tekniska deild mælir til at býarplanurin fyri Æðuvík verður broyttur soleiðis, at uml. 350 m2 av matr. nr. 25 og matr. nr. 21, sum er uml. 1.500 m2, verður broytt frá E1 landbúnaðarøki til B27 bústaðarøki. 
-Byggi- og býarskipanarnevndin mælir til at taka undir við tilmælinum frá Teknisku deild. 
- Býráðið hevur á fundi 29/8-2024 einmælt samtykt at taka undir við tilmælinum frá Byggi- og býarskipanarnevndini. 
 
 
63/24: Umsókn um uppsetan av vindmátimastur í Hjallahaga 
EFFO søkir um loyvi at seta vindmátimastur upp í Hjallahaga (Glyvrar).  
Í samband við vindmylluverkætlanina í Hjallahaga er neyðugt við fleiri vindmátingum. 
Ummæli frá Teknisku deild: 
Umsóknin frá EFFO er einans um uppsetan av vindmátimastur. Um meira skal gerast í samband við vindmyllulund, skal umsøkjarin søkja um øll neyðug loyvi frá avvarðandi myndugleikum. 
Tekniska deild mælir til at geva loyvi til uppsetan av vindmátimastrini við ti fyrivarni, at um annað skal gerast, so skal søkjast um hetta frá avvarðandi myndugleikum. 
-Vinnu- og havnarnevndin, Byggi- og býarskipanarnevndin og Tøkni- og umhvørvisnevndin mæla til at taka undir við tilmælinum frá Teknisku deild. 
- Býráðið hevur á fundi 29/8-2024 einmælt samtykt at taka undir við tilmælinum frá Vinnu- og havnarnendini, Byggi- og býarskipanarnevndini og Tøkni- og umhvørvisnevndini. 
 
 
64/24: Útbygging av Glyvra skúla - Projektkapping 
Mentanarnevndin varð á fundi 21/8-24 kunnað um gongdina í verkætlanini, har næsta stig er at skipa fyri projektkapping. Fíggjartørvurin til hetta er mettur at verða 1,5 mió. kr. 
-Mentanarnevndin tekur undir við uppskotinum og mælir til at fara undir undir at skipa projektkapping fyri útbygging av Glyvra skúla. 
- Býráðið hevur á fundi 29/8-2024 einmælt samtykt at taka undir við tilmælinum frá Mentanarnevndini. 
 
65/24: Eykajáttan til lønarreguleringina hjá námsfrøðingum og hjálparfólki – 2. viðgerð  
Í sambandi við sáttmálan um lønarhækking, sum varð undirskrivað millum Pedagogfelagið og Fíggjarmálaráðið, hevur Runavíkar kommuna tørv á eykajáttan uppá 3 mió. kr. í hesum fíggjarárinum til at dekka hækkaðu lønarútreiðslurnar á barnaansingarøkinum.  
-Fíggjarnevndin mælir til at veita eykajáttan uppá 3 mió. kr. í samb. við lønarhækkingina hjá pedagogum og hjálparfólki, sum eru í starvi hjá Runavíkar kommunu. 
-Býráðið hevur á fundi 27/6-2024 samtykt, við 1. viðgerð, at taka undir við fíggjarnevndini at játta 3,0 mió. kr. í eykajáttan til lønarreguleringina hjá námsfrøðingum og hjálparfólkum. 
- Býráðið hevur á fundi 29/8-2024 einmælt samtykt, við 2. viðgerð, at taka undir við fíggjarnevndini at játta 3,0 mió. kr. í eykajáttan til lønarreguleringina hjá námsfrøðingum og hjálparfólkum.   
 
  
66/24: Eykajáttan til keyp av stigabili til Skálafjarðar sløkkilið  
Skálafjarðar sløkkilið ynskir at bíleggja ein nýggjan stigabil. 
 
-Fíggjarnevndin mælir til at veita eykajáttan upp á 2 mió. kr. til keyp av nýggjum sløkkibili. 
- Býráðið hevur á fundi 29/8-2024 einmælt samtykt, við 1. viðgerð, at taka undir við tilmælinum frá fíggjarnevndini  
 
67/24: Fíggjarkarmur hjá Runavíkar kommunu fyri 2025 
 Meting/áseting av bólkaðum inntøkum og útreiðslum í FÆ 2025 
Gongdin fyrra ½-ár 2024 og metingar 
 
-Fíggjarnevndin mælir til at taka undir við fíggjarkarminum sambært uppskotinum. 
- Býráðið hevur á fundi 29/8-2024 einmælt samtykt at taka undir við tilmælinum frá Fíggjarnevndini. 
 
68/24: Kongshavnar Havn - Ársfrásøgn 2023 til góðkenningar  
Ársroknskapurin 2023 til góðkenningar 
-Fíggjarnevndin mælir til at góðkenna ársroknskapin fyri Kongshavnar havnastýri fyri 2023. 
- Býráðið hevur á fundi 29/8-2024 einmælt góðkent ársroknskapin fyri Kongshavnar havnastýri fyri 2023.