Tveir nýggir kommunulæknar settir í Heilsumiðstøðini í Runavík

04. juli 2025

Byrja í viðtalu 5 tann 1. oktober

Heilsutrygd boðaði herfyri frá, at frá 1. oktober 2025 verða tveir nýggir kommunulæknar í viðtalu 5 í Heilsumiðstøðini í Runavík. Brynhild Hanusardóttir Reinert og Katrina Clementsen fara at deila starvið í viðtalu 5. 


Brynhild Hanusardóttir Reinert tók embætisprógv í læknafrøði í 2017 og fekk serlæknagóðkenning í almennum medisini í vár. Katrina Clementsen tók embætisprógv í læknafrøði í 2016 og væntar at fáa serlæknagóðkenning í almennum medisini í august í ár. 


Nýggju kommunulæknarnir í viðtalu 5 eru eitt týðandi stig í at betra heilsutænastuna í økinum. 

Umleið 7.300 fólk búgva í Heilsuøki 2, sum fevnir um Nes, Sjóvar og Runavíkar kommunur. 

Seinastu tíðindi

11. juli 2025
Vegna summarferiu er kommunuskrivstovan stongd í tíðarskeið­num 18/­7 – 10/­8 2025
22. juli 2025
Móttøka í Bylgjuni
19. juli 2025
Rusksplássið í Oyndarfirði er stongt í dag
18. juli 2025
Helma á Sýnini nýggjur leiðari fyri Eldratilhaldið