Stilla upp til eldraráðið í Roðanum
Samstundis sum val verður til býráðið, skal nýtt eldraráð veljast fyri ROÐAN, umboðandi tær tríggjar kommunurnar við Skálafjørðin. Endamálið hjá Eldraráðnum er at betra og útbyggja sambandið millum eldru borgararnar og ROÐAN. Ert tú 60 ár ella eldri valdagin 12. november 2024 og býrt í Runavíkar kommunu, ert tú vælkomin at stilla upp.
Valskeiðið er tað sama sum til kommunuvalið.
Hevur tú áhuga fyri at stilla upp og harvið gera tína hjálp og ávirkan galdandi, skalt tú taka niður og útfylla valevnisfráboðanina trýst her
Skjalið fæst eisini á kommunuskrivstovuni ella við at skriva til runavik@runavik.fo
Saman við valevnisfráboðanini skulu undirskriftir frá í minsta lagi tveimum stillarum, sum eisini hava valrætt til Eldraráðið, fylgja við. Eingin kann verða stillari fyri meira enn eitt valevni.
Valevnisfráboðanir mugu verða kommununi í hendi í seinasta lagi týsdagin 15. oktober 2024 kl. 16.00
Eldraráðið verður samansett eftir viðtøkunum fyri stýrið hjá Roðanum soleiðis, at eitt umboð verður valt fyri hvørjar byrjaðar 2.000 íbúgvar og sostatt skulu veljast hesir limir:
| Runavíkar kommuna | 3 umboð og 3 varaumboð |
| Nes kommuna | 1 umboð og 1 varaumboð |
| Sjóvar kommuna | 1 umboð og 1 varaumboð |
Eldraráðið skipar seg sjálvt. Tey næstvaldu á viðkomandi vallistum verða varalimir eftir galdandi valreglum.
Viðtøkurnar fyri Eldraráðið kunnu lesast her
Seinastu tíðindi
