Øll bygging er fevnd av bygningskunngerðin BK17. Byggiharrin er tann, sum eigur bygningin, og byggiharrin hevur harvið skyldu at tryggja at kunngerðin verður fylgd.
Hetta fevnir m.a. um at byggja nýggj hús, umvæla, byggja um, byggja afturat, broyta nýtsluna ella taka bygning niður.

Øll grundstykki eru tinglýst. Tað kunnu eisini vera treytir tinglýstar á grundstykki, sum t.d. byggilinjur ella varveitan av fornminni.

Á tinglysing.fo ber til at lesa hvørjar byrður eru tinglisnar á hvørt grundstykki.

Á hesum kortið ber til at síggja leiðingar, so sum kloakk og vatnleiðingar, og skrásetingar, so sum fornminni, matriklar, jarðhitaboringar osfr.

Neyðugt er at søkja um loyvi í samband við ger av jarðhitaskipan. Veitarin av jarðhitaskipanini gevur umsøkjara allar neyðugar upplýsingar. Umsókn skal sendast til runavik@runavik.fo.

Verður søkt um loyvi til jarðhitaskipan til nýbygging, so skal galdandi byggiloyvi verða fingið til vega áðrenn.

Sí nærri kunning á heimasíðu hjá Umhvørvisstovuni.

Neyðugt er at søkja um loyvið, fyri at grava í kommunalum øki. Umsókn skal innihalda fylgjandi upplýsingar:

• Navn, telefonnummar og teldupost hjá umsøkjara
• Navn á arbeiðstakara fyri grevstur og fyri asfaltering, um grivið verður í veg ella gongubreyt
• Navn, telefonnummar og teldupost hjá arbeiðsformanni 
• Endamál við grevstur
• Plantekning fyri grevstur
• Tekning av tvørskurði fyri grevstur 
• Skeltiplanur
• Váttan frá tryggingarfelag, um endurgjaldsábyrgd, um so er at skaði hendur í samband við hetta arbeiði 
• Dagfesting fyri nær arbeiði byrjar og fyri nær arbeiði endar

Almennar treytir:
Umsøkjarin váttar at gjalda allar útreiðslur í sambandi við neyðugt umvælingararbeiði – íroknað møguligar skaðar á leiðingar, sum liggja har grivið verður.

Umsøkjarin skal tola, at grevstrarloyvið kann verða broytt ella afturtikið, íroknað krøv um broytta girðing og skelting, eftir boðum frá teknisku deild ella ferðslupolitinum, meðan arbeiðið fer fram.

Skeltiplanurin skal gerast av fólki, sum hava luttikið á skeiði “Vegurin sum arbeiðspláss”. Umsøkjari skal kanna eftir at skelti er í lagi bæði á morgni og á kvøldi, eins og í vikuskiftinum. Girðing fyri sjónveikum skal altíð vera um grevstrarstaðið.

Har grivið verður í vegnum og/ella gongubreyt, skal uppgrivna tilfarið koyrast burtur. Tá grivið verður í gongubreyt, skal asfaltið takast av allari gongubreytini eftir grøvini.

Um einki annað er nevnt í loyvinum, skal arbeiði útinnast sambært hesum ásetingum. Um grivið verður tvørturum veg, skal skurður leggjast við 30 gradir vinkul.

Grevstrarloyvið treytar umsøkjara, at fylgja treytunum og viðmerkingunum omanfyri og eisini ásetingum frá teknisku deild og/ella avvarðandi vegmyndugleika.

Umsøkjari skal skjalfesta fylgjandi við myndum:

• veitin, áðrenn og aftaná tyrving.
• Um so er, at veitin liggur uppat verandi leiðingum, skal hetta eisini skjalfestast við mynd.

Myndir skulu sendast kommununi á runavik@runavik.fo viðmerk journalnummar á umsókn. 

Tá arbeiði er avgreitt, verður tað sýnað av teknisku deild.

Leiðingar hjá umsøkjara vera skrásettar í kommunalu GIS skipanini, sum privatar leiðingar í kommunalum øki.  Almennir umsøkjarar, so sum SEV og NET, skráseta leiðingar í egnari skipan.

Tekniska deild kann, upp til 2 ár eftir at grevstrararbeiðið er liðugt, eftir sýn krevja umvælingar gjørdar fyri umsøkjarans
rokning.

Kommunan ber ongan kostnað av leiðingar hjá øðrum, sum liggja í kommunalum øki. Hetta merkir:

• at um so er, at tað í framtíðini er neyðugt at flyta leiðingarnar, so ber kommunan ongan kostnað.
• at um so er, at leiðingar fáa skaða, so ber kommunan ongan kostnað.

Grevstrarloyvið frá kommununi er í ávísum førum treytað av, at politiið eisini gevur loyvi (ferðslan og avmerking fyri ferðsluni).
Áðrenn grevsturin byrjar, skulu møguligar leiðingar/kaðalar/rør í jørðini merkjast á staðnum av SEV, Net, Runavíkar kommunu (vatn, gøtuljós, spilli- og regnvatn).