![](/upload/cache/images/27801-28000/e409cf5adce1f923436f574b3e58a8cc1f856b70_w1920_h1440_fC_ha50_va50_afp1.jpg)
Vitjan úr Grønlandi
Í dag vitjaði fíggjarnevndin í Inatsisartut – grønlendska landstinginum – Runavíkar kommunu. Borgarstjórin greiddi teimum frá kommununi og landinum annars, og eftir tað varð samskift um mál av øllum handa slag.
So ymisk sum samfeløgini í tjóðunum báðum annars eru á mongum mótum – bæði eru tey nú einaferð donsk heimastýri hvørs búskapir í stóran mun standa á svimjandi tilfeingi – so var nógv at práta um. M.a. um fiskivinnupolitikk, nú grønlendingar fyri kort síðan hava samtykt eina nýggja skipan á økinum, og sjálvandi um fíggjar- og búskaparpolitikk. Onkur av teimum vitjandi hava eisini roynt seg sum kommunalpolitikarar – eitt nú Asii Chemnitz Narup, Inuit Ataqatigiit, sum var borgarstjóri í høvuðsstaðarkommununi, Sermersooq Kommune, í á leið 10 ár. Tí var av góðum grundum tosa nógv um skúlaskap, dagstovnar, vinnulív, frítíðarlív, undirstøðumál o.s.fr.
Sera áhugaverd vitjan úr einum grannalandi í Norðurhøvum. Aftur við kaffi og køkum bjóðaðu vit teimum fiskasuppu úr Æðuvík.
Seinastu tíðindi
![](/upload/cache/images/27801-28000/135d0b20657f6d5de48a895e4fee481498d3a61d_w490_h300_fC_ha50_va50_afp1.jpg)
![](/upload/cache/images/27801-28000/40dbfc5b4aa19d5aa4f70f704286ac84feab6279_w490_h300_fC_ha47_va46_afp1.png)
![](/upload/cache/images/27801-28000/c91c0347eb5ce3849913c3f9e29b84cdb605e0d8_w490_h300_fC_ha50_va50_afp1.jpg)
![](/upload/cache/images/27801-28000/3f7322c69ef2d815718f54d30544e38f84815f8c_w490_h300_fC_ha50_va50_afp1.jpg)