HEIM
28.09.2020

Val til Eldraráðið í Roðanum

10. november 2020 skal Eldraráð veljast fyri Økistænastuna við Skálafjørðin - Roðan. Endamálið hjá Eldraráðnum er at betra og útbyggja sambandið millum teir eldru borgararnar og Roðan, sum er samstarv á eldraøkinum millum kommunurnar við Skálafjørðin.

Fyri at kunna stilla upp, skal tú vera 60 ár ella eldri, sjálvan valdagin. Atkvøtt verður millum teir persónar, sum skrivliga hava boðað kommununum frá, at teir stilla upp.

Valskeiðið gongur frá 1. Januar 2021 og fram til 31. desember 2024.

Kundi tú hugsað tær at stilla upp, skalt tú fylla út hetta skjal –  Stillaralisti til Eldraráðsvalið 2020.

Hetta skjal fæst á skrivstovunum í kommununum við Skálafjørðin ella hjá Roðanum. Saman við valevnisfráboðanini skulu undirskriftir frá minst tveimum stillarum fylgja við, sum eisini hava valrætt til Eldraráðið.

Eingin kann vera stillari fyri meira enn eitt valevni. Fráboðanin skal latast einari av skrivstovunum í kommununum.

Valevnisfráboðaninar mugu vera Runavíkar kommunu í hendi í seinasta lagið týsdagin 20. oktober 2020 kl. 18.00.
Persónar á innkomnu valevnisfráboðanum verða førdir á eitt samla yvirlit, ið verður almannakunngjørt.

Eldraráðið verður samansett, eftir viðtøkunum í stýrinum fyri Roðan, eldrasamstarvið millum kommunarnar, eftir hesum leisti, 1 umboð fyri hvørjar 2.000 borgarar, og tí skulu veljast hesir limir:

Sjóvar kommuna                  1 umboð og 1 varaumboð.
Runavíkar kommuna          3 umboð og 3 varaumboð.
Nes kommuna                       1 umboð og 1 varaumboð.

 

Eldraráðið skipar seg sjálvt.
Tey næstvaldu á viðkomandi vallistum verða varalimir eftir galdandi valreglum.
(Nr. 2 vera varalimir hjá Nes og Sjóvar kommunum, meðan 4-5-6 vera varalimir hjá Runavíkar kommunu).

Her eru samtyktar viðtøkur fyri Eldraráðið í Roðanum – Les her