Burturbeining av teldum á ruskplássunum

Tú kanst taka harddiskin úr og oyðileggja hann, við eitt nú at stinga eitt skrúvublað ígjøgnum hann. Hetta er fyri at verja tínar persónligu upplýsingar, sum kunnu verða á harddiskinum. Harddiskurin kann síðani latast í reyða posa til IRF ella inn á ruskplássið, sum elektronikk burturkast.

Hvat hendur við teldum og farteldum, sum verða latnar inn á ruskplássið?

IRF avheintar og sendur tær til endurnýtslu uttanlands, har evni, sum metal, stál, kopar, plast og glas verður tikið úr til endurvinningar.

IRF kannar um harddiskar eru í, og syrgir fyri at teir verða tiknir úr og endurvunnir.