Fyrilestur: Gamla samfelagið møtir tí nýggja í ritverkinum hjá Heðini Brú

Heðin Brú (1901-1987) skrivaði tvær skaldsøgur, ið lýsa samanbrestin fyrst í 20. øld millum tað gamla siðbundna samfelagið og tað nýggja. Tann fyrra er Feðgar á ferð, ið kom út í 1940 og tann seinna, Tað stóra takið, kom í 1972). Feðgar á ferð var kosin 20. aldar føroyska skaldsøga, meðan Tað stóra takið ikki hevur fingið eins stóra undirtøku. Í fyrilestrinum fer Malan at greiða frá ritverkinum og høvundinum, munum og líkleikum í hesum báðum skaldsøgunum.