HEIM

Býráðsfundur 27. juni 2019 kl. 17 – í skúlanum í Funningi

Býráðslimir:   Tórbjørn Jacobsen, Terje B. Vestergaard, Helgi Lamhauge Petersen, Hans Jákup Johannesen, Etly Nord Højgaard, Kári Egholm Jacobsen, Jonhard Danielsen, Jonnhild Reynholdsdóttir, Jóhan Vest, Kristian Gaardbo og Selinda í Heiðunum.

Varalimir: Sæunn Ó. Hansen

Ikki møtt: Selinda í Heiðunum

 

80/19: Nýggj útstykking í Æðuvík

31. januar samtykti býráðið at fara undir at projektera nýggja útstykking í Æðuvík. Útstykkingin umfatar ein 6m breiðan koyriveg við kantsteinum og 7 grundstykkir, sum eru 500-550 m2 til støddar, sum verða gjørd byggiklár.

-Byggi- og býarskipanarnevndin mælir til, at útstykkingin verður tikin við til viðgerðina av fíggjarætlanini fyri 2020.

-Býráðið hevur á fundi 28/5-2019 samtykt at beina málið aftur í Byggi- og býarskipanarnevndina at kanna, hvørjir fíggjarligir møguleikar eru fyri útstykkingini í ár og at málið verður lagt fyri býráðið í juni 2019.

-Byggi- og býarskipanarnevndin og fíggjarnevndin mæla til at bjóða arbeiðið uppá útstykkingina út.

-Býráðið hevur á fundi 27/6-2019 samtykt at taka undir við tilmælinum frá Byggi- og býarskipanarnevndini og fíggjarnevndini.

 

81/19: Umsókn um loyvi til bilverkstað á Glyvrum

Søkt verður um loyvi at brúka bilhúsið á matr. nr. 13b sum vinnuligt endamál til eitt minni bilverkstað.

Í býarplaninum liggur økið sum B9-bústaðarøki.

-Byggi- og býarskipanarnevndin og Umhvørvisnevndin mæla frá at játta umsóknini.

-Býráðið hevur á fundi 27/6-2019 samtykt at taka undir við tilmælinum frá Byggi- og býarskipanarnevndini og Umhvørvisnevndini.

 

82/19: Umsókn um grundstykki til sethús í Lamba

K. Weihe søkir um loyvi at keypa matr. nr. 35b í Lamba til at byggja eini sethús á og at byggisamtyktin verður broytt samsvarandi.

-Byggi- og býarskipanarnevndin mælir til at játta umsóknini og at byggisamtyktin fyri økið verður broytt frá E1-øki til B-øki.

Umsøkjarin ber útreiðslurnar til atkomu, vatn- og kloakkleiðing, sum manglar fyri at fáa samband til stykkið frá kommunalu íbindingunum.

-Býráðið hevur á fundi 27/6-2019 samtykt at taka undir við tilmælinum frá Byggi- og býarskipanarnevndini.

 

83/19: Umsókn um frávik í byggisamtyktini

Fuglark søkir um byggiloyvi til sethús á matr. nr. 209c og søkir um frávik viðv. hædd og fjarstøðu móti grannamarkinum, sum er ein stuðlamúrur.

-Byggi- og býarskipanarnevndin mælir til at játta umsóknini.

-Býráðið hevur á fundi 27/6-2019 samtykt at taka undir við tilmælinum frá Byggi- og býarskipanarnevndini.

 

84/19: Umsókn um byggiloyvi til broyting av handilsbygningi í Saltangará

Sp/f Spenn søkir um loyvi at gera broytingar í innrættingini á handilsbygninginum á Heiðavegi 30 í Saltangará til at hýsa eini ráðgevarafyritøku.

Bygningurin liggur í A1-øki í miðbýnum í Saltangará.

-Byggi- og býarskipanarnevndin mælir til at játta umsóknini.

-Býráðið hevur á fundi 27/6-2019 samtykt at taka undir við tilmælinum frá Byggi- og býarskipanarnevndini.

 

85/19:  2. viðgerð av eykajáttan til asfaltering á havnarlagnum á Skála

Í 2018 varð samtykt at veita eykajáttan til asfaltering á havnarrlagnum við MEST á Skála, men arbeiðið varð ikki gjørt gjørt liðugt og ein partur av eykajáttanini (235t kr.) fall burtur á nýggjárinum. Har umframt verður eykaarbeiði fyri 85t kr.

-Fíggjarnevndin mælir til at veita eina eykajáttan uppá 320.000 kr. til asfaltering av havnarlagnum við MEST á Skála.

-Býráðið hevur á fundi 28/5-2019 samtykt at taka undir við tilmælinum frá fíggjarnevndini.

-Býráðið hevur á fundi 27/6-2019 samtykt at taka undir við tilmælinum frá fíggjarnevndini.

 

86/19: Setan av urtagarðslærlingi

Anlægsgartnarin hjá kommununi hevur kanna møguleikan fyri at seta ein anlægsgartnaralærling. Lærutíðin er 4 ár, harav er skúlatíðin, sum er í Danmark, uml. eitt ár.

-Umhvørvisnevndin og fíggjarnevndin mæla til at seta anlægsgartnaralærling og at útrútreiðslan verður hildin innanfyri játtanina á RS 620.

-Býráðið hevur á fundi 27/6-2019 samtykt at taka undir við tilmælinum frá Umhvørvisnevndini og fíggjarnevndini.

 

87/19: Sparkivøllur við Barnagarðin á Mýrunum

Foreldraráðið í Barnagarðinum á Mýrunum søkir um at fáa fótbóltsvøllin dagførdan og víðkaðan.

-Trivnaðarnevndin tekur undir við, at sparkivøllurin verður endurnýggjaður og beinir málið í fíggjarnevndina til viðgerðar.

-Fíggjarnevndin mælir til at taka undir við Trivnaðarnevndini og at útreiðslan verður fíggjað av RS 611

-Býráðið hevur á fundi 27/6-2019 samtykt at taka undir við tilmælinum frá Trivnaðarnevndini og fíggjarnevndini.

 

88/19: Bygging av Svimjihøll í Runavík

Í 2016 vóru 500t kr. settar av til svimjihallarmálið og varð heitt á ráðgevingarfyritøkuna COWI um at standa fyri fyrireikingararbeiðinum.

Arkitektakapping varð útskrivað í innbodnari kapping og átti BBP Arkitektar  vinnarauppskotið.

Eftir at vinnarauppskotið er viðgjørt, serliga í mun til kostnað, er ætlanin komin nøkulunda á tað støði, sum býráðið hevði ætlanir um.

Kostnaður fyri projektering liggur um 6-7 mió. kr. og verður mælt til, at 1,5 mió. kr. verða brúktar í hesum fíggjarárinum til projektering og restin verður avsett á fíggjarætlanini fyri 2020. Projekteringin væntast at taka umleið eitt ár.

-Mentanarnevndin mælir til, at avtala verður gjørd við BBP Arkitektar, um at neyvætla (projektera) svimjihøllina við støði í vinnaraprojektinum.

-Fíggjarnevdnin mælir til at málið verður lagt fyri býráðið til støðutakan.

-Býráðið hevur á fundi 27/6-2019 samtykt at taka undir við tilmælinum frá mentanarnevndini.