HEIM
08.02.2012

Úr dagbóknini – Konsert við Martin Joensen í Løkshøll

Komandi leygarkvøld fer Martin Joensen á pall í Løkshøll í Runavík.

- Ikki er so heilt lætt at lýsa tiltakið við einum orðið. Talan verður um eitt varisligt bland av konsert og upplestri, sum Martin hevur valt at geva heitið »Úr dagbókini: Martin Joensen syngur og sigur frá«. Søgan handan sangirnar verður søgd, umframt at hendingar og hugleiðingar á lívsleiðini verða tiknar fram, siga fyrireikararnir.

Serligur dentur verður lagdur á hesi seinastu árini, har lívið fekk kollveltandi vend á so at siga øllum økjum, ikki minst andaliga.

Martin verður einsamallur á palli teir útvið tveir tímarnar, tiltakið varir. Kaffi og køka verða at fáa í steðginum, umframt at fløgur Martins og bókin "Lat meg goyma teg" verða til keyps. Vil onkur hava bókina ella fløguna signeraða, so verður eisini høvið til tess.

Atgongumerki á kr. 150 fáast frá EFFO í Skálabotni, EFFO í Saltangará og við dyrnar 1 tíma innan byrjan.
Forsøla: Tlf. 222401. Bøkur/fløgur fáast til keyps.

Portalurin:(http://planet.fo/grein/martin_joensen_i_lokshll)