HEIM
22.03.2012

Svend Højgaard er nýggjur bókavørður við Løkin

Mentanarnevndin hjá Runavíkar Kommunu hevur á fundi týskvøldið gjørt av at seta Svend Højgaard í starv sum bókavørð á Bókasavninum við Løkin. Sjey umsóknir vóru til starvið.

38-ára gamli skálamaðurin, Svend Højgaard, er útbúgvin cand. scient. bibl. Hann hevur fjølbroyttar arbeiðsroyndir sum bókavørður á Føroya Landsbókasavni og nú seinast sum Býarbókavørður á Býarbókasavninum í Havn.

Nýggi bókavørðurin, sum er fyrsti fulltíðarsetti bókavørðurin í Runavíkar Kommunu, kemur at virka í glasiliga Bókasavninum við Løkin, sum er í sama bygningi sum Skúlin við Løkin og Løkshøll. Runavíkar Kommuna fegnast um, at munagott virksemi nú verður at finna í góðu kørmunum við Løkin.