HEIM
26.10.2011

Spennandi og spírandi tónleikapallur í Runavík

Síðani Glyvra Bio lat dyrnar aftur sum virkið dansistað í nítiárunum, hevur Runavíkin verið blóðfátøk, tá viðvíkur tónleikapallar.

Býurin, sum í áttatiárunum fostraði so mikið týðandi føroysk tónleikanøvn sum Óla Poulsen, Niclas Johannesen og Edmund Jacobsen, hevur ikki síðan Týr í nítiárunum staðið faddur at einum líkinda tónleikabólki. Tað var eins og alt rútmiskt tónleikalív bløddi út við Glyvra Bio.

Men á mentanarvikuni, sum verður fyriskipað í Runavík hesa vikuna, hómast ein glotti. Í karráa, men sera hugtakandi gula ídnaðarbygninginum mitt í býnum, Gulu smiðja nevndur, er smekkaður upp ein tónleikapallur til ungar tónleikarar.

Umhvørvið inni í Gulu smiðju minnir mest av øllum okkurt, tú finnur í London ella New York. Rátt og urbant.

Uni Leitisstein Hansen, tíðindamaður, støkk inn á gólvið í Gulu smiðju, fyri at frætta meira um teir tankar, ið liggja aftanfyri hendan nýggja, sera kærkomna og spennandi, tónleikapall í Runavík.

Skrá fyri komandi dagarnar:

Ung í Gulu Smiðju

MIKUKVØLDIÐ 26. OKT.

JAFET, KIRSTIN OG ODDMAR

VILLIAM JOENSEN Á GUITAR

ELSA OG JEANETT

THE HAPPENING

HÓSKVØLDIÐ 27. OKT.

METALKVØLD:

KONQUEROR

IN CURSE

FRÍGGJAKVØLDIÐ 28. OKT.

ÓVITA BLUES BAND

BIRITA POULSEN OG RÓKUR JOHANNESEN

GLASUR

Allar framførslurnar eru ókeypis.

Avmarkað atgongd.

Kelda: kringvarp.fo