HEIM
21.03.2007

Portalurin: Øðrvísi føroyskur poppur á myspace

20. mar 2007, 21:14
Jan er 27 ára gamal runavíkingur. Hann lesur medisin í Danmark, og verður eftir ætlan lækni í summar.

Millum nógvu føroysku tónleikanøvnini á myspace er Jan Rasmussen, ið spælir glaðan sjálvproduseraðan popp, við íblástri frá rokki.
Tónleikurin hjá Jan er sera fjart frá tí, ið vanliga er at hoyra á føroyska tónleikapallinum. Hann kallar tað sjálvur gittargrundaðan popp/rokk og hetta er ein rættiliga góð lýsing av tónleikinum, serliga tí hann nevnur poppin áðrenn rokkin.

Hann sigur at hansara størsta passión er at skriva tónleik, ið hann sjálvur tekur upp og framleiður í sínum heimaupptøkuhøli. Jan hevur spælt gittar, síðan hann var tannáringur. Á hansara síðu liggja 4 løg Broken, Falling Leaf, Gone og nýggja lagið, ið júst er lagt á síðuna I Might Find You.

Vitja Jan Rasmussen á myspace.com/janrasmussen

© Niels Uni Dam - Sosialurin