HEIM
25.05.2012

Mette Blomsterberg í Løkshøll 31. mai

Ì sambandi við at Handilsmiðdepilin í Runavík skipar fyri stórum spennandi tiltaki í Løkshøll í Runavík hóskvøldið 31. mai hava tey bjóðað Mette Blomsterberg til Føroyar. Tiltakið kallast SANSA, og hetta er fjórða árið á rað at tiltakið verður hildið. Hetta er eitt væl krydrað kvøld, har limir í HMD bjóða sínar vørur og tænastur fram á ein kreativan hátt.

Mette Blomsterberg sum er kend frá sendirøðunum "Det søde liv", "Kongerigets kager" og "Price og Blomsterberg" á DR1, fer at greiða frá sína passión fyri tí "Søta" og um, hvussu hugskotið til egna fyritøku kom. Mette Blomsterberg hevur í dag stóra succes við handlinum Blomsterbergs í Keypmannahavn, sjónvarpssendingum og við at skriva uppskriftabøkur við køkum og dessertum, sum kunnu freista sjálvt tann mest kræsna.

Aftaná fyrilesturin verður høvi at tosa við Mette Blomsterberg, keypa hennara bøkur og fáa autografar og bøkur signeraðar. Hetta er fyrstu ferð at Mette Blomsterberg vitjar í Føroyum.

Atgongumerkir á 300 kr. fáast til keyps á Kunningarstovuni og Effo í Saltangará