HEIM
05.02.2019

Deyðadansurin hjá Strindberg í skótahúsinum 4. mars

TVAZZ (Føroyar), Teater Insite (Svøríki) og Teatergrad (Danmark) fara nú rundferð í Føroyum við leikinum Deyðadansurin 3.0

Vælkomin í veitslu!

Vit gleða okkum at bjóða DEYÐADANSIN 3.0 fram á eini rundferð í Føroyum í februar og mars 2019.
Nýskrivað og nýtulkað í einum spennandi samstarvi millum føroyska leikbólkin TVAZZ, Teater Insite úr Svøríki og Teatergrad úr Danmark. Yvir 100 ára gamla klassikaranum eftir August Strindberg verður her borðreiddur sum matsjónleikur.
Alice og Edgar hava boðið 40 gestum til at feira sítt silvurbrúðleyp. 25 ár í viðgongd og mótgongd skal nú feirast við manér í bygdahúsinum, har Alice og Edgar – og Kurt sum toastmaster - taka ímóti teimum veitsluklæddu gestunum.

Deyðadansurin 3.0 er ein leikur, har markið millum veruleika og spæl, fortíð og nútíð spakuliga kámast. Ikki einans systkinabarnið Kurt verður vitni til ivasama kærleikan millum Edgar og Alice. Gestirnir sleppa at smakka beiska bitan av harðrenda hjúnalagnum og sum kvøldið lýður, lata okkara høvuðspersónar seg úr og avdúka eitt parlag, sum er gjøgnumsúrgað av beiskleika, vónbrotum, brostnum dreymum, lygnum og líðilangum aggi. Er nøkur vón fyri kærleikanum?
Hetta verður ein veitsla við øllum tí góða: Góður matur við 4 serveringum, drykkjum, dansi, røðum, felagssangi, umframt øllum tí óvæntaða, sum prutlar undir lokinum. Ein deyðadansur, sum seint fer í gloymibókina.

Matur og gávur
“Deyðadansurin 3.0” byrjar har, sum Strindberg endaði leikin. Hjá Strindberg spyr Edgar konuna Alice í endanum av leikinum, um tey skulu feira silvurbrúðleypið, sum verður um 3 mánaðir. Í 3.0 versjónini er avgerðin tikin og leikur byrjar við brúðarkransi, horntónum og snapsi í durinum.
Í innbjóðingini hava Alice og Edgar ynskt, at gestirnir ístaðin fyri eina gávu taka eitt grønmeti við, sum kokkurin undir síni kønu hond gandar til viðleikarar á borðinum við rættum so sum The Gift - Kunnleikans Træ - Síðsti Roykurin – Kødets Lyster...
Tað er svenski kokkurin Miia Suhonen, sum hevur sett veitsludøgurðan saman. Við støði í leikinum hevur hon tilevnað smakk og anga og hevur við matinum spunnið beinleiðis træðrir millum veitsludøgurðan og kensluborna dámin í sjónleikinum.

Norðurlendskt samstarv
Tey trý leikhúsini Teater Insite úr Svøríki, Teatergrad úr Danmark og Tvazz úr Føroyum hittust á Nordic Performing Arts Days, sum var hildin í Føroyum í 2016.
Frumframførslan av Dödsdansen 3.0 varð 22. November 2018 í Malmö og aftaná drúgva rundferð í øllum Skåne í novembur, desembur, januar og í Keypmannahavn í februar 2019 verður Deyðadansurin 3.0 loksins framførdur fyri føroyska áskoðaranum.
Framførslan verður framførd á donskum og svenskum kryddað við føroyskum strofum.

Framførslur í Føroyum:
27. februar í Skúlakantinuni í Vestmanna
28. februar í Royndarhúsinum í Nólsoy
1. mars í Sjónleikarhúsinum í Havn
2. mars í Norðurlandahúsinum, Havn
3. mars í Mentanarhúsinum í Fuglafirði
4. mars í Skótahúsinum við Løkin
5. mars í Bygdahúsinum í Hósvík
7. mars á Seglloftinum í Tvøroyri

Forkunnug og intim leik uppliving
“Júst sum August Strindberg sjálvur eksperimenteraði við sínum naturalistisku royndum á Intima Teatern í Stockholm fyrst í seinastu øld, har hann kunngjørdi, ‘at sjónleikur skuldi upplivast sum veruleikin sjálvur’ og verða heilt tætt at áskoðaranum, soleiðis er eisini Deyðadansurin 3.0 ein sera intim, forkunnug, fyri ikki at siga eksklusiv og sansalig uppliving. At koma í eygnahædd við áskoðaran er nakað heilt serligt sum leikari. Vit, leikarar og gestir, koma so at siga at kennast gjøgnum kvøldið, vit práta saman, vit syngja, eta, dansa, vit liva hetta kvøldið saman – alt meðan kærleiksorrustan rullar seg út á gólvinum framman fyri okkum.”sigur Gunnvá Zachariasen, sum spælir leiklutin sum Alice

Deyðadansurin 3.0 er ein eksklusiv uppliving og einans fá atgongumerki eru til hvørju sýning. So áskoðarin skal verða skjót/ur at tryggja sær pláss til veitsluborðhaldið og klassiska Strindberg leikin. Atgongumerki verða einans seld í undansølu á www.atgongumerki.fo

Aldursmarkið er 16 ár+
Mál: Danskt, svenskt – og sindur føroyskt
Longd: Umleið 2 tímar og 15-30 minuttir (matur íroknaður)
Prísur: 300 kr. (matur íroknaður)

Leikarar:
Gunnvá Zachariasen (FO)*
Ulver Skuli Abildgaard (DK)*
Matthias Hahne Torbjörnsson (SV)*
Leikstjóri:
Pelle Nordhøj Kann (DK)*
Leikritatillaging:
Sosha Teperowska (DK)
Scenograf:
Ilkka Häikiö (SV)*
Menu-sniðgevi:
Miia Suhonen (SV)
Kokkur:Soniya Sjöberg*
Búnar:
Isabell Skarby Hay (SV)
Framleiðsla – og hjálparleikstjóri:
Isabell Skarby Hay (SV)
Framleiðsla:
Erika Lundvall (SV)
Christine Worre Kann (DK)
Gunnvá Zacharisen (Føroya rundferð 2019)
Teater Insite (Svøríki)
Teater Teatergrad (Danmark)
Og TVAZZ (Føroyar)
*Hesi eru við á Føroya ferðini 2019

Kunnað verður so hvørt á

Facebook.com/tvazz

Instagram: tvazztvazz

Stuðlað Føroyaferðini hjá Deyðadansinum 3.0 hava:

Mentamálaráðið, Tórshavnar kommuna, Sunda kommuna, Vestmanna kommuna, Runavíkar kommuna, Fuglafjarðar kommuna, Vágs kommuna, Tvøroyrar kommuna, Norðurlandahúsið og Atlantic Airways.

-----------------

Ummælarar og áskoðarar siga um Deyðadansin 3.0 - eitt úrval:

”...Interaktiv teater när den fungerar som bäst”.

”Helt otrolig upplevelse, jag säger bara wow. Jag är helt tagen och det tror jag alla var i publiken.”

”Jösses vad bra det var! -//- Mer än bara nöjd. Lyrisk.”

”jag tänker fortfarande på gårdagens underbara kulturupplevelse. -//- Det var något av det häftigaste jag upplevt i teaterväg. Vilken fantastisk kväll vi fick. Vilken upplevelse! Jag hittar inte ord! Jag bara njöt, varje sekund av föreställningen (det gjorde nog alla). Det var så kul, och man bara deltog i allt, som den naturligaste saken i världen, det kändes verkligen som en riktigt fin fest.

Samtidigt en så otroligt bra och stark pjäs, med fantastiska skådespelare, fantastiska rollprestationer. -//- detta borde ingen vettig människa vilja missa.”

”Ni har verkligen sparkat liv i dödsdansen. Den lever! Den sprakar. Den engagerar. Det trodde jag aldrig att jag skulle säga om dödsdansen.”

”Alltså- detta med att vara med vid denna alldeles extraordinära föreställning Dödsdansen 3.0 är jag evigt tacksam över. Vilken upplevelse! Jag är totalt nockad. Måste ses och upplevas! -//- Bravo!”

”Hade ingen aning om vad som väntade. På hemsida står det bland annat ”…ett omslutande verk där gränserna mellan aktörer och publik suddas ut och en gemensam festmåltid dukas upp!” Men inte kunde jag ana hur delaktiga vi alla skulle vara i denna silverbröllopsmiddag. Har haft så kul, många skratt och en häftig upplevelse!! Gott var det också. Tack!!”

”Ikväll har jag sett föreställningen Dödsdansen 3.0 en upplevelse över alla förväntningar. Om ni vill uppleva något helt nytt, något ni aldrig gjort tidigare då får ni inte missa detta. Jag är fortfarande helt tagen, chockad och lycklig.”

”Teaterfolk! Och även ni andra. Gå och se den här uppsättningen. Dödsdansen av August Strindbergär kanske inte en pjäs man tältar utanför biljettkassan för. MEN den här uppsättningen -//- var helt fantastisk. Och god mat (vegetarisk) fick du också. Du blev helt enkelt inbjuden till ett kalas. Edgar och Alice kalas. Haffa en biljett omedelbums!”

”Alltså shit! Jag sitter fortfarande här helt stum. Det var verkligen annorlunda. Så glad att jag gick. Så häftigt!”

”Sitter här hemma fortfarande lite tagen och chockad men med ett stort leende. Vilken häftig totalt annorlunda kväll med Dödsdansen!! Hälsa skådisarna att de var grymma. Haft så roligt!”

”Helt otrolig upplevelse, jag säger bara wow. Jag är helt tagen och det tror jag alla var i publiken.”