HEIM

Býráðsfundur 24. mai 2017 kl. 17.00

Býráðslimir: Tórbjørn Jacobsen, Terje B. Vestergaard, Helgi Lamhauge Petersen, Hans Jákup Johannesen, Etly Nord Højgaard, Kári Egholm Jacobsen, Jonhard Danielsen, Jonnhild Reynholdsdóttir, Jóhan Vest, Kristian Gaardbo og Selinda í Heiðunum

Ikki møtt: Jonhard Danielsen


61/17: Møgulig broyting av býarplani og byggisamtykt á Skála.

Í samband við ætlanini hjá P/F Mest at inniloka dokkini á Skála, verður neyðugt at broyta ásetingarnar fyri D22 øki á Skála um umsóknin skal kunna játtast.

Tekniska deild mælir til at skipa fyri einum borgarafundi á Skála, har Mest greiðir frá ætlanini og at gjørd verður ein serstøk byggisamtykt fyri byggingina.

-Byggi- og býarskipanarnevndin mælir til at borgarafundur verður hildin á Skála um miðjan mai um byggiæltanina hjá P/F Mest.

-Vinnu- og havnarnevndin mælir til at taka undir við tilmælinum frá Byggi- og býarskipanarnevndini. Eisini verður mælt til at biðja P/F Mest um at koma við visualisering frá Skála skúla og norðureftir og frá Akkersvík og suðureftir.

-Býráðið hevur á fundi 27/4-2017 samtykt at taka undir við tilmælinum frá Byggi- og býarskipanarnevndini og Vinnu- og havnarnevndini. Samtykt varð, at borgarafundur verður á Skála 23/5-2017 um ætlanina hjá P/F Mest.

-Byggi- og býarskipanarnevndin hevur á fundi 15/5-2017 mælt til at góðkenna uppskotið til sersamtykt fyri økið við dokkina á Skála.

-Vinnu- og havnarnevndin hevur á fundi 17/5-2017 tikið undir við tilmælinum frá Byggi- og býarskipanarnevndini.

-Býráðið hevur á fundi 24/5-2017 samtykt at taka undir við uppskotinum til sersamtykt fyri D22 øki á Skála.


62/17 Broyting av ásetingini fyri A øki í byggisamtyktini.

Tekniska deild mælir til, at ásetingarnar fyri «Nýtslu» í A1 og A3-A4 øki í almennu byggisamtyktin verður broytt soleiðis, at «til bústaðarendamál» verður lagt afturat:

Miðstaðarendamál, Smáhandil, Privat og almenn veiting, Frívinna og skrivstovur, Bústaðarendamál. Veghædd skal brúkast til útvent virksemi.

-Byggi- og býarskipanarnevndin mælir til at taka undir við tilmælinum frá Teknisku deild.

- Býráðið hevur á fundi 24/5-2017 samtykt at taka undir við tilmælinum frá Byggi- og býarskipanarnevndini.


63/17 Umsókn um at gera broytingar í býarplaninum fyri á Glyvrar.

Umsókn frá M. Jacobsen um at broyta ásetingarnar fyri matr. 9a á Glyvrum frá E1 øki til B øki.

-Byggi- og býarskipanarnevndin mælir frá at ganga umsóknini á møti.

- Býráðið hevur á fundi 24/5-2017 samtykt at taka undir við tilmælinum frá Byggi- og býarskipanarnevndini.


64/17 Byggiverk søkir um at gera broytingar á bygningin

Byggiverk søkir um byggiloyvi til at innrætta íbúðir í bygninginum matr. 241 Glyvrar og gera svalar á vestaru síðu.

-Byggi- og býarskipanarnevndin mælir til at játta umsóknina.

- Býráðið hevur á fundi 24/5-2017 samtykt at taka undir við tilmælinum frá Byggi- og býarskipanarnevndini.


65/17: Uppnevnan av grindsformonnum til hvalvágna í Skálafirði.

Sýslumaðurin biður um uppskot til uppnevnan av einum vara grindaformannum fyri fyribils góðkendu hvalvágna í Skálafirði, fyri ein av teimum uppnevndu, sum hevur ynskt at borið seg undan vali.

- Býráðið hevur á fundi 24/5-2017 samtykt at taka undir við tilmælinum frá Byggi- og uppskotinum frá fíggjarnevndini.


66/17 Ársroknskapurin hjá Bygdasavninum Forna fyri 2016

-Fíggjarnevndin mælir til at góðkenna ársroknskapin fyri 2016 hjá hjá Bygdasavninum Forni á Glyvrum.

- Býráðið hevur á fundi 24/5-2017 samtykt at góðkenna ársroknskapin hjá Bygdasavninum Forna fyri 2016.


67/17 Ársroknskapurin fyri Eldrasamstarvið á Skálafjørðinum “Roðin” fyri 2016

Samlaði kostnaðurin í 2016 fyri Roðan er 64.839.722 kr.

-Fíggjarnevndin mælir til at góðkenna roknskapin, sum  SPEKT hevur grannskoðað.

- Býráðið hevur á fundi 24/5-2017 samtykt at góðkenna ársroknskapin hjá Roðanum fyri 2016.


68/17 Ársroknskapurin hjá Runavíkar kommunu fyri 2016

-Fíggjarnevndin mælir til at góðkenna ársroknskapin hjá Runavíkar kommunu fyri 2016 , sum Sp/f Januar og Sp/f Grannskoðarastovan hava grannskoðað.

- Býráðið hevur á fundi 24/5-2017 samtykt at góðkenna ársroknskapin hjá hjá Runavíkar kommunu 2016.